18/05/2020
代好姊妹否認閃婚 黃翠如:唐詩詠嘅「男人」只得我
【晴報專訊】單身多時的唐詩詠,日前在IG宣布將在七月送已故母親一份神秘禮物,不少網民揣測她到時宣布閃婚。詩詠的好姊妹黃翠如昨日現身電視城,她即代詩詠否認「婚訊」,又表示會介紹男仔給詩詠認識。
黃翠如最擔心炎夏拍外景會中暑。
黃翠如日前正式開新劇《七公主》,昨日翠如回電視城開工,問她可知道唐詩詠是否有喜訊公布?翠如笑說︰「我哋睇到報道都係得啖笑,大家唔好係唔係都拉到去結婚。」她代詩詠否認閃婚:「我都希望詩詠宣布幸福嘅事,不過佢即將連開三套劇,相信未必有時間去辦喜事。我同大家講,佢身邊嘅『男人』得我一個,佢嚟緊咁忙,如果介紹男仔畀佢,即係累咗個男人。不過大家唔使擔心,遲啲我都會介紹男仔畀佢。」提到她們到酒店「開房」,翠如表示今年已七度為詩詠慶祝39歲生日,更陪她切了七個生日蛋糕。
黃翠如今年陪唐詩詠切了七個生日蛋糕。
提到翠如休息了半年才再開新劇,她笑言這半年來,因疫情關係做了很多瘋狂事,例如陪老公蕭正楠到超市撲米︰「試過有日老公見到超市有米,即刻call我一齊去撲米,但原來陸永老婆識朋友賣米嘅,就幫我哋買咗25公斤珍珠米,都只係二百幾蚊,不過經歷今次疫情,大家都好珍惜食物。」
扁平足著高踭鞋勁辛苦
唐詩詠與黃翠如訂酒店慶生兼做Spa。
問翠如現在開工是否習慣?她表示第一日開工,已經要與高海寧拍一場激烈嗌交戲,加上現在天氣開始炎熱,拍外景比較辛苦。她說:「我喺劇中經常著成套西裝,試過拍外景搞到件西裝褸濕晒,要吹乾先可以再拍。」不過她坦言最辛苦是長時間穿高跟鞋:「我要著尖頭兼斗零踭嘅高踭鞋,但我本身有扁平足,唔使埋位或者影唔到全身嘅時候,我都要求監製畀我著平底鞋,女人嘅扁平足,男人真係唔會明白!」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇