【晴報專訊】林芊妤（Coffee）前年為兒子翟德彥（伯伯）開設IG帳戶，短短一年多便狂吸超過14萬粉絲，大受歡迎；惟日前Coffee在社交網突然宣布伯伯將會退出KOL界，令不少「伯粉」感到不捨，但亦有網民支持她的決定。Coffee昨日接受《晴報》電話訪問時直言︰「我唔想令伯伯覺得自己與別不同。」

　　Coffee於14年跟無綫結束六年賓主關係，之後她當上瑜伽教練，並以KOL身份教網民做瑜伽，現時其YouTube頻道更逾100萬followers，人氣有升無減。18年她與圈外男友翟志榮結婚，並誕下現時歲半的伯伯，自此Coffee不時在網上分享伯伯的生活點滴。由於伯伯的可愛模樣吸引大批網民追看，Coffee索性為他開設IG帳戶，並表明謝絕一切廣告，只想紀錄伯伯的童年趣事。

伯伯跟父母去沙灘享受陽光與海灘，卻又怕沙粒，不敢踩落地上。（IG圖片）

伯伯IG獲14萬人追蹤

伯伯每次看到媽咪與爸爸有親密舉動，都會呷醋兼大喊，十分搞笑。（IG截圖）

　　因為囝囝充滿厭世又麻甩的表情，故被暱稱為「伯伯」，加上其傻頭傻腦，對答純真可愛，其IG短短一年多便吸引超過14萬人追蹤。不過Coffee日前卻在伯伯的IG留言︰「今日19個月啦，仲有幾個月呢個IG就可以光榮引退，唔使再活在女魔頭嘅鏡頭下，可以隨心所欲咁出糧飲奶奶#大佬心很累#係釋放嘅氣味呀#條眉都攰啦#癲奶畀定心理準備大家」，宣布伯伯將會淡出KOL界，令到不少忠實「伯粉」感到十分不捨，紛紛留言「伯伯IG退休，咁我哋點算呀？會令人失去歡樂」，但亦有粉絲留言表示支持，「雖然好唔捨得你，但伯伯大個仔了，要有番啲私隱嘅」。

Coffee笑指伯伯仍在她肚子時比出生後乖一點。（IG圖片）

　　本報昨日致電Coffee，對於宣布伯伯淡出KOL界，她表示︰「初時我哋幫伯伯開IG，係想紀錄佢啲搞笑得意嘢，但估唔到反應咁好。我同老公傾過，小朋友兩歲開始有自己思想，但如果長期喺鏡頭下成長，我唔知有咩影響。依家有時用鏡頭影佢，佢都開始會怕醜，知道鏡頭會紀錄佢嘅動作同表情，我唔想令伯伯覺得自己與別不同，因為佢都無付出過，唔想佢將來太自大、太不可一世，想佢過番啲普通人嘅生活。」Coffee又強調伯伯的IG不會一下子「消失」，她說︰「我暫時未決定佢嘅IG會唔會關閉，但佢都會間中出現喺我嘅IG度。」