• |
  • 極速報價
  • |
  • 會員
  • 產品服務 / 串流版
  • 設定

23/02/2021

期待與曾志偉合作 馬浚偉:喺《愛•回家》開Cafe

  • 加入最愛專欄
  • 收藏文章

  【晴報專訊】曾志偉回歸無綫出任高層後搞作多多,在圈中人緣甚廣的他,更打算號召一眾好友返娘家推行大改革。與志偉關係不俗的馬浚偉(馬仔),表示若志偉提出正式合作,自己定必義不容辭,他又講笑說可以在長壽劇《愛.回家之開心速遞》開cafe,更可以宣傳自己的咖啡生意。

 

馬仔在新年期間跟家人開心共聚,又表示最愛爸爸炮製的賀年菜。

 

  馬浚偉近年作多方面發展,除了咖啡生意及演藝學校外,亦開設製作公司。馬仔透露因疫情關係,製作公司工作大減,但已有不少計劃:「今年下半年,我嘅製作公司會開拍一部電影,年尾亦會開音樂會,其實呢段時間,台前幕後無嘢做都好慘。」

 

馬仔視曾勵珍為恩師,曾親自沖咖啡給對方品嘗。

 

  提到曾志偉強勢回歸無綫,有傳他邀請馬仔出任星夢高層,雖然馬仔已否認傳聞,但十分歡迎返娘家無綫與志偉合作。他指志偉口頭提及雙方合作,但未正式洽談細節,又表示只要志偉及恩師曾勵珍(珍姐)認為他適合,他一定返娘家幫忙。他說:「如果珍姐話『馬仔,你同我返嚟拍劇』,我一定會答應!(客串《愛.回家》?)唔好啦!畀新人做啦,我好似搶人飯碗咁,唔好同人爭演出機會。」但提到《愛.回家》的「新威龍廣場」場景中,有「吉舖」可給廣告商作植入式廣告,問馬仔可考慮進駐開咖啡店?他戲言:「如果唔收廣告費我ok㗎,喺入面開間cafe,我做埋沖咖啡!」

 

難忍噪音報警求助

 

馬仔前晚在直播中指樓上住客連環敲打地板,令他無法入睡。(FB截圖)

 

  另外,馬仔早前自爆慘受樓上住客噪音滋擾超過一年,前晚馬仔在網上開live,透露樓上住客在傳媒廣泛報道後,本來已有改善,誰知前晚故態復萌;馬仔向管理員投訴,但該住客並無理會,令他忍無可忍報警求助。馬仔說:「你以為佢真心改善,轉頭佢又再嘈過!」他坦言本已打算停止民事訴訟,但見對方無心改善,他決定正式向對方發律師信。

 

轉載自: 晴報

我要回應

放大顯示
  • 生活
  • DIVA
  • 健康好人生