【晴報專訊】唐詩詠日前趁母親節，在社交網發文思念亡母，寫道：「準備了一份禮物，七月送給你。」有網民即推測她是否有意閃婚，把結婚證書作為禮物？一直被指與詩詠合襯的契哥馬國明，卻強調全不知情，還叫大家等詩詠在適當時候自己開估。

馬國明與「媽咪」小儀在《降魔的2.0》再聚。

　　馬國明昨日出席劇集《降魔的2.0》宣傳，他表示最近忙於趕拍新劇《BB大晒》，問他可知道契妹唐詩詠送給媽媽的禮物是否閃婚？馬明笑笑口回應︰「真係唔關我事，呢排都忙緊開廠，無時間聯絡佢，不過佢嘅消息都係由佢自己公布啦，相信到時候自然會交代咩事。其實最近我同《鐵馬尋橋》演員喺群組都好耐無聯絡，大家各有各忙，就算早排詩詠生日都仲未得閒同佢食飯，希望稍後有時間，大家可以出嚟聚一聚。」

唐詩詠在酒店歎咖啡，還跟粉絲分享新相。（IG圖片）

　　提到與岑麗香拍攝新劇《BB大晒》，馬明苦笑謂︰「依家終於明白同小朋友拍劇真係幾難搞，手抱BB反而容易，但飾演我個女嘅小妹妹兩歲大，需要遷就佢嘅作息時間，有時甚至會打亂通告，任何時候都要睇小朋友嘅狀態，果然係BB大晒！」

將來做個好爸爸

　　雖然馬明表示對小朋友「投降」，但他亦大讚戲中的女兒相當可愛，亦很乖巧，明白到小朋友長時間在片場開工會很疲累，所以會買零食請他們吃，馬明笑言︰「我又唔會因為今次拍劇而怕咗生小朋友，咁將來對自己個BB又唔同嘅。」

監製方駿釗

　　此外，在《降魔的2.0》飾演富二代的麥凱程（Alex），有傳因去年參與社會運動而遭無綫煞停所有工作。監製方駿釗表示不清楚，只承認沒有安排麥凱程參與宣傳，因為劇中演員已夠多。問他開新劇會否避開敏感藝人？監製續稱：「最緊要角色是否適合，以戲行先。」