• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

18/01/2019

自認對演協貢獻少 張敬軒撐古天樂連任

  • 加入最愛專欄
  • 收藏文章

  【晴報專訊】華語樂壇年度音樂盛事「KKBOX風雲榜」頒獎典禮,今年移師來港,將於3月12日假灣仔會展舉行。張敬軒、陳柏宇、曾樂彤等昨日出席記者會,身任香港演藝人協會副會長的軒仔,自言工作太忙,去年對演協貢獻不大,反大讚會長古天樂盡心盡力,希望他能連任。

 

 

  張敬軒昨日獲頒KKBOX「十大風雲歌手」,連同之前各大頒獎禮的獎項,共奪得16.5個獎。軒仔表示十分期待三月的頒獎禮,他說︰「以往參與呢項音樂盛事已經好多年,佢哋嘅舞台設計媲美大型演唱會,質素相當高。其實香港舉行頒獎禮仲有好多限制,反而外地公司主辦就無咁多掣肘。」

 

  早前軒仔透露演藝人協會有意籌辦一個具公信力的音樂頒獎禮,他表示可以借鏡KKBOX頒獎禮:「其實本地任何機構要舉行頒獎禮都唔容易,當中涉及太多商業因素,亦唔係一、兩年內可以成事。」他透露演協今年底至明年初將會換屆,他提前表態支持會長古天樂連任:「古仔係大忙人,工作幾忙大家都睇到,但係佢都盡量抽時間定期同大家開會,有魄力好緊要。」他又指王梓軒、余安安等理事出心出力,相反自己因幕前工作太忙,對協會沒太大貢獻,問他可有信心連任?他說:「先唔好講係咪連任,作為本地演藝界一分子,都有義務去支持嘅。」

 

陳柏宇歌曲救好友生意

 

陳柏宇對去年的樂壇成績表十分滿意。

 

  去年正式成為人父的陳柏宇,以父親心情寫主打歌《無限大》,其後推出第二首主打歌《認真如初》,盡顯他對愛情如一的態度。他在台上笑說,意想不到自己的歌,竟令好友的餐廳起死回生。他說︰「事緣呢位好友嘅生意本來唔太理想,直到佢喺店內播《認真如初》,生意突然好轉,總之播呢首歌,嗰日嘅生意就相當好,我諗隻歌應該改名叫《客似雲來》!」

 

 

轉載自: 晴報

【與拍賣官看藝術】常玉作品屢創天價,背後其實藏著跌宕起伏的人生► 即睇

我要回應

放大顯示
師傅靈靈法
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ