• |
  • 極速報價
  • |
  • 會員
  • 產品服務 / 串流版
  • 設定

23/04/2021

唔驚被指吊高嚟賣 許廷鏗︰揀唱片公司似擇偶

  • 加入最愛專欄
  • 收藏文章

  【晴報專訊】許廷鏗(Alfred)昨日到銅鑼灣出席《廣東歌101》靜音音樂會,現時屬於自由身的Alfred,獲好友胡鴻鈞「招攬」他加盟星夢娛樂,Alfred自言簽唱片公司如擇偶一樣要看緣份,最重要雙方有相同理念。

 

許廷鏗表示疫情下會嘗試製作更多網上音樂騷。

 

  首次體驗這個靜音音樂會的Alfred,昨日一口氣連唱四首歌,他指直播的歌聲透過耳機傳遞到觀眾耳朵,感覺十分赤裸,同時又很開心有新嘗試︰「疫情之下表演嘅玩法更多,呢個形式未來可能會係大趨勢,因為唔受環境限制,戴咗耳機企到好遠都聽到。(驚唔驚會發台瘟?)咁歌手嘅基本就係要練好啲歌,今次當係小型音樂會咁做,希望之後會再搞。」Alfred又透露母親和外婆都在樓下低調捧場,但就沒有到表演現場。

 

相信緣份會安排

 

許廷鏗對今次靜音音樂會感到很有驚喜。

 

  現時沒有受唱片合約箍實的Alfred,以自由身身份發掘更多音樂的可能性,暫時亦會自家製作音樂,不過他指若有唱片公司跟自己有相同理念,也不會抗拒合作。好友胡鴻鈞正跟星夢洽談唱片合約,得知Alfred曾跟星夢接洽,即表示歡迎Alfred加盟,Alfred聞言表示︰「無問題,我都期待與唔同到歌手多啲合作交流。」被問到可擔心被誤會「吊高嚟賣」,嚇走洽商的唱片公司?Alfred說︰「又唔係咁樣,最主要睇配套,我無限制,傾公司好似擇偶咁,緣分嚟到自然會嚟,我相信緣份嘅安排。」

 

轉載自: 晴報

我要回應

放大顯示

精選文章

  • 生活
  • DIVA
  • 健康好人生