• |
  • 極速報價
  • |
  • 會員
  • 產品服務 / 串流版
  • 設定

05/07/2022

8個女仔自信同居無難度 COLLAR:好彩我哋唔污糟

  • 加入最愛專欄
  • 收藏文章

  【晴報專訊】ViuTV選秀節目《全民造星IV》女團COLLAR,今年一月出道時聲勢凌厲,可惜隨即遇上第五波疫情,連其出道演唱會亦被迫押後;幸好八位成員未有因此沮喪,反而更珍惜每一次表演機會。早前八人在綜藝節目中齊齊去宿營,她們揚言即使同居,也不擔心「相見好,同住難」而鬧翻,友情絕對經得起考驗。

 

COLLAR努力裝備自己,期望日後為觀眾帶來精采演出。

COLLAR努力裝備自己,期望日後為觀眾帶來精采演出。

 

  COLLAR團綜《我哋係COLLAR》早前播放完畢,節目中,沈貞巧(Gao)、李芯駖、王家晴(Candy)、蘇雅琳(Ivy)、邱彥筒(Marf)、許軼(Day)、蘇芷晴(So Ching)及陳泳伽(WINKA)的真情流露,令觀眾對這八位女生更添喜愛。她們表示收看節目時有無盡的感觸和感動,雖然有網民批評節目較《MIRROR GO》、《花姐ERROR遊》等沉悶,她們卻樂在其中,大感幸福。

 

八個女仔參演團綜《我哋係COLLAR》後,感情更進一步。

 

直播進食減少緊張

 

  節目中,COLLAR同住三日兩夜了解彼此,問八人是否真的能夠「同居」?So Ching首先想到要解決家務問題,笑言只要聘請外傭姐姐,八個女仔同住一定無問題。但Marf反而認為家務要八人一起分擔,只要預先訂立規矩、分工,例如輪更打掃、亂掉垃圾要罰錢等,同住問題不大。WINKA則說:「好彩我哋八個都唔污糟,只係凌亂…但亂中有序嘅!」So Ching搞笑說︰「一齊住有個好處,就係大家有咩需要都可以分享,好似化妝品、護膚品之類,萬一『姨媽』(生理期)到,隨手都借到『姨媽巾』,真係好方便!」

 

COLLAR在節目中零偶包,展現真性情。(IG圖片)

 

  COLLAR原定今年三月底舉行的出道演唱會,因疫情暫定延至年尾舉行;她們早前便擔任張敬軒演唱會嘉賓,小試牛刀,雖然觀眾反應兩極,但她們虛心學習,力求進步。跟粉絲見面的機會不算多,於是她們不時乖乖在網上直播,與粉絲互動,拉近距離。Candy說:「我當開live係一種訓練,因為自己轉數唔快,對答時要組織一段時間;之前《全民造星IV》開live,我夠膽死五分鐘dead air唔識答,因為唔知答啲乜嘢。依家訓練到可以即時互動,轉數快咗少少咁啦!(大部分成員都玩『吃播』?)食嘢其實都係為咗掩飾…掩飾自己諗唔到答咩,哈哈!」至於最為食的Day亦完全同意Candy︰「我都係咁諗,做網上直播時唔係好慣要講嘢,我見其他藝人好自然,我仲係有少少尷尬,食嘢可以令自己輕鬆少少、causal少少,唔會咁緊張。」

 

Day笑言邊做直播邊吃飯,感覺更自在。(IG截圖)

 

轉載自: 晴報

【讀者專享獨家優惠】火速訂購etnet 28周年呈獻《線條下的香港.沈平鋼筆畫作》! ► 立即行動

我要回應

你可能感興趣

放大顯示
周一加油站

職場新常態

精選文章

  • 生活
  • DIVA
  • 健康好人生