• |
  • 極速報價
  • |
  • 會員
  • 產品服務 / 串流版
  • 設定

20/06/2019

楊潤雄復古「寫信」去報紙 不如上IG仲實際啲!

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  林鄭堅持修訂《逃犯條例》,搞出「反送中」呢個軒然大波,家下個個口風都軟曬,左一句社會要安穩,右一句唔好挑動情緒,驚死激親啲市民又上街示威遊行。

 

 

 

  嗱!教育局局長楊潤雄今日都出嚟「和諧」「和諧」一下,不過佢選擇嘅方式就有啲特別,係「寫信」去某親中報紙俾年輕人!話大家坐係同一條船,會聆聽青年人聲音,希望大家互相同行喎!

 

潮流興「復古」?上IG實際啲

 

  不過呢,乜而家啲後生仔仲會睇報紙咩?有嘅,少啲囉!據Jenny所知,睇開呢份報紙嘅讀者,大多都係充滿成熟魅力、穩重可靠嘅熟男熟女。楊局長你寫信登報咁復古,班後生仔女應該都唔識欣賞。

 

  而家就連Facebook都畀人話係上咗年紀,媽媽級先用嘅嘢。楊局長,Jenny建議你不如跟真.後生仔學下嘢,喺IG呀、連登呀嗰類媒體,Post你封公開信,順手賺返一千幾百個like同share,咁先係與青年同行嘛!

 

  但政府家下民望咁嘅款,會唔會局長驚like就呃唔到,反而得返啲「嬲嬲」同「負皮」?到時局長傷心就唔好啦。

 

  話說回來,其實而家個個都長命百二歲,羅致光局長教落,60歲先係中年,咁楊局長係某親中報紙寫信俾「年青人」,其實諗諗下又冇錯噃!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生