【晴報專訊】無綫綜藝真人騷《嫁到這世界邊端2》前晚首播，主持陳貝兒在第一集帶來「港女」秋仔與「Oppa」暢勇的「韓式生死戀」，二人的「現代愛情故事」成功打動觀眾。很多網友直指睇到喊出嚟；有人亦高呼節目高質要晚晚煲！

　　去年九月播映的《嫁到這世界邊端》反應不俗，節目道出五名港女遠嫁外地當異國人妻的苦與樂。主持陳貝兒在拍攝期間經歷分居至離婚的自身經歷，更多次在節目中感觸爆喊，成功炒熱話題。

　　相隔一年，第二輯已於前晚首播，貝兒再度走訪世界各地包括韓國、法羅群島、瑞典、波蘭及希臘等地，探索香港女生嫁到異國如何面對文化差異及生活考驗。第一集以患有急性腎衰竭的秋仔與韓國Oppa暢勇的異地戀打頭陣，雙方即使面對重重波折也要走在一起，暢勇向秋仔的深情剖白︰「我們要活到100歲，一齊開心生活！」成功打動觀眾。

出Po撐深情Oppa

陳貝兒到訪韓國利川市訪問兩位主角，更特地穿韓服感受當地傳統文化。

　　節目中，主持陳貝兒親身感受真人版「韓式生死戀」，她亦在鏡頭前忍不住眼濕濕，昨晨更在FB發文︰「嗰個情係幾咁深，一個男人先至會接受一個隨時會無命嘅女仔？佢係好肯定要娶你，就算係幾長幾短嘅時間都好。」貝兒激讚故事男主角暢勇是一個好男人︰「喺Oppa眼中，秋仔由Day One就係佢嘅唯一，即使之後知道佢有病、即使爹哋媽咪反對、即使要面對生死，Oppa嗰種純純的守護令我好觸動。」

癡情Oppa對秋仔的不離不棄 ，令陳貝兒坦言再次相信有愛情。

　　的而且確，節目一夜間已在網上洗版，不少人熱捧秋仔與暢勇排除萬難，誓要長相廝守，真人真事夠催淚；有粉絲亦稱讚陳貝兒主持到位，節目發人深省。