• |
  • 極速報價
  • |
  • 會員
  • 產品服務 / 串流版
  • 設定

23/05/2022

帶漢堡包登上紅館 姜濤親餵張敬軒食薯條

  • 加入最愛專欄
  • 收藏文章

  【晴報專訊】張敬軒(軒仔)目前正重開紅館個唱,早前有黃牛黨以MIRROR成員姜濤任嘉賓為由,提高門票炒價,二人曾開聲澄清否認。不過,前晚姜濤果真現身軒仔個唱,他笑言得悉傳聞後,決定將錯就錯擔任嘉賓,更即席餵軒仔食薯條,令軒仔開心不已。

 

軒仔大讚姜濤工作用心又謙厚。

 

 張敬軒前晚請來姜濤任個唱嘉賓,更有不少「姜糖(姜濤粉絲)」入場支持二人。軒仔介紹姜濤時,大讚對方每次錄好歌、拍好MV,都會給他過目並聽取意見。軒仔說:「佢(姜濤)一路未停過令自己進步,我覺得佢好叻,佢有鬥志,亦識得將勤補拙。我當時回佢一個信息話『加油呀,我買你贏!』呢兩年我好開心,佢成為獨當一面嘅歌手。雖然成名路上,要接受各種讚美同批評,喺佢呢個年紀嚟講唔容易,但我相信佢可以勇往直前,成為成功嘅歌手。」

 

 

姜濤餵軒仔食薯條,事後軒仔笑指二人動作似做核酸檢測。

 

  姜濤笑說:「我記得前排有黃牛話我會做嘉賓…嗰時未有我做嘉賓呢件事,我就諗不如將錯就錯。」軒仔讚姜濤工作用心、謙厚又肯學:「你一定要加油,你睇現場觀眾歡迎你個聲勢,我相信離你個唱唔遠㗎啦。」姜濤更帶了自己最喜歡的漢堡包及薯條送禮,軒仔「嘩」一聲笑出來:「之前好多人送紙製品畀我,終於有啲實用又食得落肚,仲係澱粉質!」姜濤順手餵軒仔食薯條,軒仔得戚笑說:「我真係話你知!呢啲福利得我有!」

 

Edan自封「木村拓安」

 

AK(左)與Lokman分享等埋位的情況。(網上截圖)

 

  另外,MIRROR推出新歌《Innerspace》幕後花絮,又預告稍後推出跳舞版MV。隊長楊樂文(Lokman)與江熚生(AK)在MV中成為騷肌擔當,穿上背心展示強壯臂彎,他們埋位前狂做掌上壓,但AK連夜拍劇後再拍MV,長時間濕身拍攝,令他凍到打冷震,「因為最近拍劇又無乜食嘢,仲畀件背心我着。我都知我唔夠大隻,抵抗力差少少,攰都係正常,覺得有少少凍。」拍攝期間有半小時空檔,眾人各有各忙,AK爭取時間睇劇本,陳卓賢(Ian)玩自拍,呂爵安(Edan)則忙打機,吸引眾人圍觀。

 

Edan自爆其新髮型其實是假髮。(IG圖片)

 

  而Edan在新片《死屍死時四十四》的中長髮造型,令「爵屎(Edan粉絲)」大呼睇唔慣,他搞笑留言說:「為大家介紹哩位不羈得嚟又帶點稚氣,滄桑得嚟又帶點帥氣,有型得嚟又帶點傻氣,優雅得嚟又帶點胃氣嘅山下智安/木村拓安!」

轉載自: 晴報

【讀者專享早鳥優惠】火速訂購etnet 28周年呈獻《線條下的香港.沈平鋼筆畫作》! ► 立即行動

我要回應

你可能感興趣

放大顯示
周一加油站

職場新常態

精選文章

  • 生活
  • DIVA
  • 健康好人生