珍藏紅底褲催旺事業 ANSONBEAN恨揸槍演大反派

　　【晴報專訊】陳毅燊（ANSONBEAN）在農曆年跟家人四出拜年逗利市，他亦跟足傳統習俗，穿上寓意「當旺」的紅色內褲。他笑說：「我入行後先有呢個習俗，參加《全民造星III》時突然覺得比賽就要着紅底褲，感覺幸運啲同自信啲，最後入選，都覺得條底褲幾有用。」他自爆近年珍藏多條不同款式的紅底褲，「有三角、平腳等，有日要表演，仲臨時臨急去買咗條『福』字紅底褲。」

ANSONBEAN祝大家「燊」年快樂、龍馬精神。

　　談到兔年大計，ANSONBEAN計劃出新碟及舉行演唱會，亦盼望演反派角色，「我想演一個有動作戲嘅反派，因為我性格比較狂野，鍾意天馬行空，好想試下揸槍做戲，覺得好新鮮。」ANSONBEAN參演的ViuTV劇集《殺手廢J》將於下月播出，他飾演一名患有超級英雄妄想症的殺手，但他笑稱角色不算反派，可以再奸一點。