12/02/2015
網民齊撑 齊昕演神功戲息民憤
特首梁振英大女梁齊昕將進軍影圈,化身社工與扮演記者的李逸朗(Don)在大銀幕談談情。網友們「喪推」齊昕的處女作與近日自信心返晒嚟的Don合作「屈晒機」,用最平價錢打造香港最強卡士!有花生友卻戲謔最叻激老竇的齊昕演戲搵鬼睇。大家又想睇齊昕與Don合演神功戲還是傻仔加傻女的床上戲?
日前有報道指經常發明星夢的梁齊昕,將以六位數字的新人天價殺入影圈拍攝《男極探射燈》(暫名),前日中午更忽然傳出傍晚舉行記者會,大鑼大鼓聲稱女主角梁齊昕必會亮相,引來半百港聞、娛樂記者到場,豈料到頭來只是一場「大龍鳳」,全港媒體齊齊中伏。
該片導演劉俊輝聲稱齊昕因病「上咗車都要返轉頭」,更爆她「行都行唔到」,解釋極盡騎呢。問到劇本、故事等細節他又支吾以對,似「口水佬」多過似電影導演,連片名也稱因法律問題將有更改。
網友喪推做脫星
齊昕曾在訪問中自言不介意整容入娛樂圈,言論出位。
事實上,「齊昕拍戲」一夜成為Yahoo熱門搜尋字,電影未開拍已贏盡全港頭條,縱使導演死撑齊昕早已簽合約,但至截稿前齊昕也未作任何實質回應,到頭來分分鐘臨陣易角由不知名模頂上。
然而,網友們對齊昕拍戲全民「熱烈彈琴熱烈地唱」,有人撑她做新一代脫星,亦有人覺得齊昕加李逸朗,傻仔加傻女「屈晒機」;不過,有網民卻鬧爆齊昕全無演戲經驗,建議她倒不如演神功戲。
Don:唔怕搵鬼睇
有望奪去梁齊昕銀幕初吻的Don昨晚接受本報電話訪問,他透露電影將於下月8日開鏡,但至今仍未與齊昕碰面及試造型。
提到二人在戲中的角色,Don表示:「其實套戲係一部喜劇,我做記者,佢(梁齊昕)係一個社工,佢個角色對社會好有建設。」Don又說:「今次係一個好傳奇的事,無諗過跟一個全新對手合作。(同特首女兒合作要就住就住?)唔關事,大家係演員,而且套戲唔會太過分,相信係點到即止。」提到有網民形容二人今次合作是傻仔加傻女,Don坦言不會介意:「無嘢既,同《傻女》首歌一樣,有人留意都已經好開心。(網民提議電影7月14日上映,因為搵鬼睇喎?)搵鬼買飛睇好呀,一定發達。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情