【晴報專訊】無綫新劇《機場特警》演員楊明、孫慧雪、黃子恆及吳家樂，昨日到深水埗派發口罩及酒精搓手液給市民。因為疫情關係，楊明直言他經營的燉湯店試過晚上零生意額，但為保全職員工飯碗，已暫停聘用兼職。

楊明主演新劇《機場特警》將於本月底播映。

　　新冠肺炎疫情肆虐，楊明透露家中僅餘一盒口罩，而舖頭的存貨亦只夠員工用一、兩個月，他表示︰「本來諗住疫情好快過去，依家又要開始搜購。」至於燉湯店的生意，楊明表示︰「夜晚生意比較差，灣仔店試過夜晚一個客都無，好彩仲撑得住，我哋無炒人，但無請兼職，希望保住啲長工。」他透露正與四間分店的業主洽談可否減租，並無奈表示︰「真係唔知可以撑到幾耐。」

　　談到《機場特警》快將播映，楊明強調劇集不是倉底貨，稱每套劇拍完後要花半年時間做後期。對於有網民發起罷睇，他表示︰「每個人有自己選擇，我都控制唔到，如果佢哋唔鍾意可以唔睇，我哋拍劇只係娛樂大家。」

　　提到早前偕女友莊思明出席莊思敏婚禮，女友更接到花球，楊明抵死表示︰「我懷疑個花球綁咗魚絲，掟去邊都係佢接。」但他直言沒有結婚壓力，女友父母也沒有催婚。

孫慧雪同黃子恆激咀

（左起）孫慧雪、楊明、黃子恆和吳家樂昨日到深水埗派發防疫物品。

　　孫慧雪和黃子恆在《機場特警》飾演夫妻，有不少激情戲，孫慧雪表示︰「同事話我同子恆咀嗰場戲好激，但我未睇，有場戲好似淨係用張被遮住重要部位。」早前發生桃色新聞的黃子恆，近年工作量大減，他說︰「工作正常，係無乜出面嘅工作。」