隔空炮製「400次咖啡」 鄧佩儀王梓軒互爆情史

　　【晴報專訊】劇集《機場特警》本周踏入結局篇，齋Sir（王梓軒飾演）和阿銀（鄧佩儀飾）的感情亦已有突破性發展，上周鄧佩儀（Gloria）向王梓軒哭訴遭到逼婚及表白感情的一場爆喊戲，被網民激讚好戲，而梓軒安慰她的時候，亦被大讚暖男！日前，身在洛杉磯的梓軒相約熒幕好拍檔Gloria做IG Live，更玩隔空炮製「400次咖啡」兼大談情史。

王梓軒和鄧佩儀隔空炮製「400次咖啡」，更邊飲邊分享情史。

　　直播中，梓軒直言喜歡獨立自主的女性，跟劇中的阿銀有幾分相似。兩人又講到，過往各自有不少刻骨銘心的情史，梓軒曾經寫情信向女仔示愛，他說︰「我好鍾意文字，好鍾意創作，我係有寫過情信！試過飛紙仔，亦試過摺埋咗張紙叫啲同學傳過去。」而Gloria當年喺外國讀書，因為所有學生都用locker，所以沒有人會寫情信，不過就記得情人節好特別，Gloria回想︰「大學嘅時候，每到情人節，學校有幾個學生搞event，如果你想secretly送朵花同note畀你鍾意嘅人，但你又唔想畀佢知，你畀錢呢一班人，佢哋就會送去個嗰課室。我每年都好期待有男仔送（嘢畀我），但一次都無收過，反而我有secretly買嘢畀我暗戀嘅同學，but我無寫係我（送的）。」

王梓軒和鄧佩儀隔空炮製「400次咖啡」，更邊飲邊分享情史。

　　Gloris又指︰「記得有一年送禮物，屋企無晒花紙，我就用咗錫紙，包完拎咗份禮物去佢（男友）屋企交換禮物，佢收到時喺度笑，變成好sweet囉！以後每個周年我哋都用錫紙包禮物。」她更自認是個「珍珠奶茶怪」，笑言若想追她的話，一杯珍珠奶茶都有機會打動她的芳心。

《機場特警》中，鄧佩儀被父親逼婚，向王梓軒哭訴，兩人互相表白後，終於走在一起。（電視截圖）