• |
  • 極速報價
  • |
  • 會員
  • 產品服務 / 串流版
  • 設定

31/10/2018

葉劉爆與金庸太太有鮮為人知關係 互相家訪係閒事

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  武俠小說大師查良鏞(金庸)辭世,曾經是金庸鄰居嘅葉劉除咗係粉絲,今日自爆同金庸太太有鮮為人知的關係?!

 

葉劉最愛《神雕》《笑傲》

 

  葉劉噚晚喺facebook透露,自細就睇金庸,「我每逢星期三下午放學後,便馬上跑到這家書店,搶購一本薄薄的最新章回小說,每期追看下,足足看了整套《神雕俠侶》,那段時光可說是沉迷於楊過與小龍女的武俠世界。」睇佢咁形容,Jenny覺得同時下少女追韓劇瘋狂程度一模一樣…葉劉仲同Jenny講,另一套「飛佛」就係《笑傲缸湖》,因為主角性格突出、不拘小節,仲有少少反叛添。

 

打埋算盤都係遠房親戚

 

  當年佢住馬己仙峽道嗰時,金庸同太太住佢樓下,兩家人都算幾熟。據Jenny所知,佢哋交情唔止打個招呼咁簡單,得閒都會去探下對方,同查太都好熟下添。現代好少鄰里關係咁好,葉劉就自爆同查太甚有淵源,原來查太係佢奶奶嗰邊親友,打埋算盤佢同查太都係遠房親戚。

 

  粉絲可以見偶像,即刻心心眼啦!葉劉同Jenny講,佢對金庸間屋印象就係好似一間巨形圖書館,充滿書香氣息,大讚「好大、好靚、好雅緻!」,不過當時佢一心同偶像交流,冇拎簽名。葉劉仲話,金庸同太太好念舊㗎,佢喺史丹福大學進修時有修讀文學,間唔時都返來搵金庸交流交流,之後有次金庸夫婦仲專登請佢一齊去酒店鋸扒,令有鐵娘子之稱嘅葉劉都感動到呢……「嗰陣已經唔係(政府)官員,佢都會請我食飯」。

 

  不過,葉劉話舊年佢同查太傾開計,查太就透露金庸已經唔太認得人喇……所以佢都冇再去打搞老人家,不斷話忽聞佢逝世真係覺得好可惜。

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生