【晴報專訊】薛家燕、黎諾懿、黃祥興等昨日出席無綫新春節目《天天開運王》記者會，家燕談到多月未有公開露面的寶珠姐近況時，澄清對方沒有患上呼吸系統病，只是腰部有舊患，叫大家不用擔心。

家燕姐表示新一年會有新搞作。

　　已第四年擔任該節目主持的家燕姐雖是基督徒，但認為風水乃環境哲學，參考無妨，她透露節目內邀請三位堪輿學家指點迷津，又表示每位嘉賓藝人今年都有機會破舊立新，她說：「好似去年我都破舊立新，創造咗『Captain Nancy』，今年都會有新搞作，籌備緊。」對於最近有傳聞指陳寶珠患上呼吸系統病，家燕姐亦有留意報道，不過她則代為否認︰「應該唔係（呼吸系統病），舊年做演唱會時，佢條腰係唔舒服，應該係做大戲嘅舊患，綵排完要去針灸，不過無咩事，佢仲好健康，等我拍完呢個節目就搵佢拜年。」

陳寶珠

黎諾懿被批命格有女

黎諾懿決定農曆年留港度歲。

　　已有一子的黎諾懿直認恨生女，家燕姐可有秘方傳授給他？她直認有秘方，但需要時間、食物及動作配合，因此不方便公開談論。黎諾懿可有趁主持這節目時向堪輿學家多問幾句生女秘方？他笑言︰「師傅好保守，話我命格係生到女，但無講生到第幾個先係，（追到有為止？）又唔使，兩個夠啦！希望今年自己生性啲。」