鄧智偉捲入桃色糾紛 高海寧拒認拍過拖

　　【晴報專訊】高海寧（高Ling）與前無綫音樂總監鄧智偉的緋聞傳足多年，但雙方從未正式承認戀情。昨日有報道爆鄧智偉與一名圈外沈姓女子拍拖，更引發桃色糾紛，有人報警求助。鄧智偉回應傳媒時強調沒有與沈小姐拍拖，又指對方滋擾他及家人朋友，包括高Ling。

高海寧昨晚表現平靜，似乎未受事件影響心情。

　　高Ling昨日由經理人陪同現身無綫電視城，即被大批傳媒包圍。她透露剛拍完新劇《七公主》外景返廠，問到鄧智偉事件有否影響她的心情？她只淡然說︰「咁工作都緊要嘅，入面好多人等緊我開工。（報道出街前已獲悉事件？）你哋問番佢（鄧智偉）本人好啲。（你哋分咗手？）我哋一直係朋友。」高Ling又指任何人出事都會擔心，也希望可以盡快解決事件。問她早前可有受到滋擾？高Ling似有口難言說︰「我諗都係交番畀佢（鄧智偉）講。」隨即入廠開工。

有指鄧智偉因工作關係，去年認識一名任職夜場女子。