• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

16/04/2024

陳淑蘭陳淽菁為「爭仔」誤會反目廿年主動言和!陳淽菁重提《百萬富翁》被嘲:只要有一樣嘢錯咗就講你一世

  • 加入最愛專欄
  • 收藏文章
Text: 娛樂組

  陳淑蘭(蘭子)和陳淽菁(原名:陳芷菁)近日一齊接受伍仲衡及周國豐的YouTube Channel節目《週五有周伍》的訪問,今次主題為朋友,兩人因為一個「爭仔」的誤會反目足足二十年,到近年才正式言和,再次一拍即合成為閨密。

 

 

  蘭子及陳淽菁在網上節目《週五有周伍》一邊傾偈一邊唱歌,期間大爆鮮為人知的秘聞,一向大情大性的蘭子大爆2001年因一件事而嬲爆淽菁,兩人相隔差不多廿年不相往來,直至近年才冰釋前嫌。原來蘭子當年係淽菁與大律師張錦榮嘅「紅娘」,蘭子大爆原本先介紹一位女歌手畀剛剛失戀的張錦榮認識,不過女歌手性格同相處時間都不太合適,後來蘭子將淽菁介紹給對方,促成這段好姻緣。不過,蘭子因為「爭仔」誤會陳淽菁想爭當時的男朋友祈文傑,所以嬲爆對方,更透過報紙專欄寫明憎爆她,她說:「其實成件事係冇嗌過交,由始至終係我潑婦罵街,由公器私用寫報紙專欄鬧佢,又出封面,我仲要寫:『我為甚麼憎恨陳淽菁?』」淽菁表示由事發後開始從來沒有嬲過蘭子,只是一位圈中人挑撥離間,令二人友情生變,原來當時有位圈中人指:「如果陳淽菁鍾意祈文傑,祈文傑一定揀佢唔會揀你」,令蘭子非常生氣,直至廿年後兩人才化解誤會,蘭子主動向淽菁道歉。蘭子跟淽菁媽媽食飯時,她說:「同佢食飯見面,個感覺個心好痛,因為我搞佢個女,我第一時間同佢媽咪講:『Auntie對唔住,我蝦你個女!』Auntie話冇嬲過我,佢真係好好!」

 

 

  蘭子重提陳淽菁當年玩《百萬富翁》的經典片段,一句:「我讀Drama呀!」令片段流傳至今,「我淨係覺得一樣嘢,有冇咁嚴重呢?有冇咁嚴重到我幾十年前未結婚未生仔之前嘅一件事,要講到而家呢?我唔理佢係咪遊戲節目,我哋冇可能拎到100萬嘅。人生係好唔公平,因為我個樣睇落好嚴肅,好智慧型,你只要有一樣嘢錯咗就講你一世!你睇佢得得意意咁幾好,人生真係冇公平,我真係覺得好無聊!」蘭子在旁安撫她說:「其實好多人都笑我好多嘢呀,笑咪笑囉,我做娛樂幾好吖,答錯嘢你笑咪幾好囉!你就唔好上心!」伍仲衡問是否很介意?她說:「我係覺得好無聊,佢哋不斷喺我度留言講,我會係唔開心嘅,我覺得好無聊!」周國豐說既然發生已多年,都勸淽菁不要介懷。

 

 

  陳淽菁坦言自己拍劇很容易愛上對手,她大方提及譚耀文是其中一人,所以結婚後都不再接劇,但她認為現在婚姻穩定,她相信可以再有能力應付劇集。而她跟蘭子將會再有進一步合作,在港台開節目大談女人經。

 

轉載自: 晴報

《說說心理話》與你分享被性騷擾解決辦法,大量真實個案,唔同場所如何提防及應對?► 即睇

我要回應

你可能感興趣

放大顯示
風水蔣知識
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ