離巢心已決 陳國邦笑談公開信變求職信

　　【晴報專訊】陳國邦日前向無線發公開信宣布不續約，之後有無線高層主動聯絡阿邦了解情況，消息指阿邦與高層見面期間氣氛緩和，但仍改變不到他離巢的決心。

阿邦對演藝事業仍有heart，不做電視台也不愁沒出路。

　　昨天阿邦到商台接受訪問，近日正演出舞台劇《相約星期二》的他坦言，在舞台上得到表演空間，還知道自己的存在。

講到患病者來捧場看他的舞台劇，阿邦不禁眼泛淚光。

　　問到他是否覺得在TVB已失去價值？阿邦謂：「封信寫嘅文字有限，呢個幾星期裏面，我會藉著傳媒去解釋番文字中隱藏嘅意思，以免產生誤解。唔係話留在TVB係錯嘅選擇，離開係啱嘅選擇。譬如去新公司見工，就算有好嘅履歷都未必要做經理、主任，可能做中層甚至低層做起。老實講已經去咗人生嘅一半，我在TVB做咗19年，有三分二人生在呢間公司，多年嚟得到公司上、中、下同埋觀眾讚賞，但點解仲係冇機會，呢種心態好折磨自己。」

不欲怒氣毀熱誠

　　阿邦坦言，之前離開過TVB，在外面做出一點成績，之後返TVB想更上層樓，到2006、2007年再產生想離開這拍戲圈子的情緒，他笑一笑說：「如果嗰時寫呢封信會有怒氣，當然依家感覺唔同咗，唔想嗰種感覺摧毀對演戲嘅熱誠。」問到阿邦，TVB可有同樣心態的藝人？他不諱言：「一定有，好多已經行動咗，原因冇可能個個一樣，我唔希望文字上有任何怨言，亦唔會講TVB有乜唔好。」

　　有指陳國邦日前獲無線高層約見，他沒表明對方身份，問到該高層可有作挽留？他說對方純粹私人性質找他傾談，他將聽到及看到的和盤托出，對方明白並尊重他的意願，阿邦亦明白高層不會因藝員一席話而立刻安排給他做主角，他更明言這封並非「要脅信」。問那封信出來後，可有其他公司斟洽？他笑言：「確實係有，突然間呢封變咗求職信，哈哈！」他坦言目前至少有了動力及生命力。