楊怡食粥 唔食雲吞麵

　　近排社會總是特別多事，連娛樂圈都灰灰沉沉。黎明、樂基兒七年情玩完，早前楊怡、羅仲謙主演的「車廂疑雲」又震爆娛圈，當事人已解釋過事情的來龍去脈，觀眾雖然各有看法，但現在兩人似乎都已收拾心情投入工作，孰真孰假，大家幻想下就算，不用深究啦！

　　記得當事人之一的楊怡解釋過，當時嘔落碗雲吞麵度，嘴角先又白又濕，有花生友就質疑阿怡將所有事推晒落碗麵度，仲戥雲吞麵唔抵。楊怡口中那碗麵就冇人見過，但有碗粥就昨日曝光，碗粥首度同阿怡合照，唔通又有料爆？但點睇都唔似嘔吐物喎……咪玩啦，碗粥阿怡仲要食，佢而家拍緊《仁心解碼II》，「夜媽媽」肚餓喺廠食粥咋，學佢話齋：「再吃一碗，漫漫長夜，有力工作了。」唔食飽點開工？

撰文：何金銀
轉載自晴報http://skypost.hk