與手錶品牌離奇破冰 方中信先道歉後續約

　　【晴報專訊】方中信上月26日突然被手錶品牌DOXA發聲明終止合作，事件始於方中信被指在5月20日出席該品牌活動時，其言行跟代言人身份不符，令公司管理層及在場嘉賓尷尬。他所屬的英皇事後亦發聲明維護方中信，其後方中信在微博留言平息事端。直到昨日，事情發展峰迴路轉，品牌突然舉行發布會宣布與方中信續約。

方中信否認今次事件是續約的宣傳伎倆，更自稱一向有做人宗旨。

　　方中信與品牌高層一齊現身續約記者會。身穿西裝外套的方中信，上台時一臉嚴肅，當見到品牌兩位高層時，才展露歡容並且握手。

唔認好馬不吃回頭草

方中信大筆一揮，意味著與品牌冰釋前嫌。

　　其後他手執一張稿紙，語氣帶點無奈地說︰「好多謝各位傳媒朋友，連日嚟睇番DOXA同我嘅報道，希望喺呢度作出一個適當同公平嘅回應。事件係發生喺品牌答謝宴上，因為流程同溝通上出現誤會，發生一啲不愉快事件。因為我言語上失誤令到在場嘉賓同品牌尷尬，我要衷心致歉。其實我一直有出席同類型活動同宴會，所以報道指主辦方要我做啲我不願意嘅事情，係絕不存在。我哋合作九年，我睇住呢個品牌成長，就好似睇住小朋友成長咁，所以我唔願意品牌再受任何傷害。」

　　發布會後，方中信接受媒體訪問，提到他讀道歉聲明時似乎很無奈？他稱︰「唔係無奈嘅，只不過係將過程交代番出嚟啫，同埋係溝通有誤會。基本上我仲有兩個月就完約，都傾緊續約。」有網民認為品牌如此對待他，他應該好馬不吃回頭草，方中信表示︰「多謝大家關心，我哋合作咗九年，唔想為咗一個唔係好大嘅誤會而唔開心，本身關係好好，所以唔關係咪回頭草嘅事。」

　　既然達成共識再合作，那續約條件可有加碼，甚至講清楚規條？方中信未有提到酬金問題，只表示合作多年都好開心，相信大家不會再有不愉快事發生。又提到品牌高層發言時，似乎沒有為事件正式向他道歉，方中信稱︰「係咪sorry唔係咁重要，好朋友一定有拗撬，總之嗌完（交）後，大家更加理解對方，令友誼更加深。」