《溏心3》陳敏之色誘唐文龍床上纏綿 視迷︰想一巴摑醒你

　　【晴報專訊】無綫台慶劇《溏心風暴3》不經不覺已播映至中段，前晚劇情開始進入高潮，由陳敏之飾演的「以愛」色誘有婦之夫唐文龍（阿Nic），兩人由床上激戰到浴室，絕對是挑戰電視尺度；不過人妻敏之今次的大解放表現得到不少劇迷大讚，認為她豁出去演繹這個癡情「小三」，十分有戲，但亦有人指劇情意識不良，不應鼓吹。

　　《溏心3》自播映以來好壞參半，早前更被網民勁彈一班演員在劇中亂拋潮語太突兀，劇情離地煲唔起，以至收視下滑，不過前晚敏之和唐文龍的一場「戲肉」有望挽救收視。《溏心3》講爭家產都不夠，還要爭埋別人的老公，前晚劇情講述敏之介入唐文龍和胡琳的夫妻感情，她回到公司主動寬衣色誘唐文龍，最終兩人上演一幕火辣床上戲，之後更激到轉戰浴室繼續纏綿，令不少觀眾睇到嘩嘩聲。

前晚劇情，陳敏之為了得到唐文龍，不惜在對方面前主動除衫，更捉實男方的手撫摸自己。

　　其實早於11年，敏之在劇集《怒火街頭》中演出裸跑一幕，已經相當拼搏，但估不到已成為人妻兼人母的她愈演愈激，今次在《溏心3》仲做埋第三者，姣搶胡琳的老公。對於敏之演繹主動獻身的小三，不少劇迷大讚她全情投入角色，演得很放，更盛讚敏之生完BB後身材依然fit到漏；但亦有人批評劇情意識大膽，笑指敏之的老公看完後必定勁呷醋。

一身聖誕裝的陳敏之，表示會帶一歲囝囝「雷冬至」欣賞聖誕燈飾。

唐文龍︰做到好吃力

二人在劇中有多場大膽床戲，未受到無綫早前頒布的「限性感令」影響。

　　對於前晚的床戲引來外界不少回響，敏之昨日在新劇《性在有情》的宣傳活動上，直言老公約了客戶而沒有收看，自己改為跟母親一起看︰「反而仲尷尬，我要用被包住自己睇，媽咪睇完仲話『你實畀老爺奶奶鬧』，不過佢哋好開通，唔會鬧我嘅。（老公會睇番？）唔知，但我想佢避一避，始終係老公。」對於劇情通過「限性感令」，敏之表示︰「劇情無刻意賣弄性感，呢次都係我入行以嚟最大膽一次演出。」

唐文龍早前因幫婆婆拉(車立)門，不慎夾傷右手，昨日帶傷現身，笑言暫時不能健身令他最沮喪。

　　而唐文龍昨日到新城接受訪問時，亦坦言因角色是爭議性人物，故不敢看該幕激情戲，他又笑言︰「敏之老公無眼睇，我話要擺和頭酒，不過除咗錫，好多都係借位。」他更自爆浴室那一幕，兩人都被水淋到又凍又『皺皮』︰「觀眾就睇得過癮，我哋就做到吃力。」