• |
  • 極速報價
  • |
  • 會員
  • 產品服務 / 串流版
  • 設定

23/11/2023

中年好聲音評審伍仲衡「入五」!預告明天1月做老襯迎娶公關女友

  • 加入最愛專欄
  • 收藏文章

  著名音樂人兼《中年好聲音》評審伍仲衡,昨日踏入50歲,一班圈中老友和fans為他出席他的生日派對,包括肥媽、李麗霞(黑妹姐)、顏志恒、周吉佩、何婉盈、劉威煌、區永權、周國豐、周吉佩、支嚳儀、吳大強、李佳、羅啟豪、林志美、車婉婉、韋綺姍、丁文俊、許文軒等等。支嚳儀非常好心,她親自整生日蛋糕送給壽星、周吉佩就送靚酒、肥媽和黑妹姐送生日利是,笑指現金最實際。

 

(《晴報》圖片)

 

(《晴報》圖片)

 

  席上,伍仲衡在藝人朋友陪伴下,唱生日歌、吹蠟燭,場面非常熱鬧;但伍仲衡未婚妻Ida怕醜,所以不願上鏡合照。伍仲衡接受訪問時,他指今年踏入5字頭,心情好興奮,「噚晚(前晚)瞓唔著,咁我去開live,有700幾人喺網上同我一齊倒數,我自己都好high,自己唱生日歌畀自己聽,跳晒舞,又唱disco版,又唱rock版,因為好開心。今日(昨晚)好興奮,我發現多咗好多新fans,可能因為《中年好聲音》先認識我,除咗《中年好聲音》一班朋友、藝人朋友,仲有中學同學、老師,我都邀請佢哋嚟,我哋keep住好好關係。」

 

 

 

 

 

 

 

 

 

 

 

  問到生日願望,伍仲衡希望身體健康,「我嘅人生踏入新階段,希望有個新開始。」他指今次生日派對是由Ida全權負責,「真係好犀利,由搵場地、賣飛、安排fans座位,全部係佢一腳踢搞晒,我就負責今晚嘅rundown。」

 

  今年初,伍仲衡在音樂會上,向Ida求婚成功,問到兩人的婚期,伍仲衡透露在明年1月6日舉行,「因為我係今年1月6日求婚,咁啱明年1月6日係星期六,仲要嗰日係非常好日,好多擺酒。」

 

今年年頭向女友求婚。(伍仲衡FB)

 

婚期定於明年1月6日。(伍仲衡FB)

 

  提到《中年好聲音2》,伍仲衡指很多藝人朋友都有參與,他直言畀分方面不會因此而手鬆,「車婉婉話我係折扣王,喺我手上,好先可以攞到高分,所以我覺得今季水準比上季係高咗,因為多咗好多勁人,而素人都係令我刮目相看。(難唔難揀?)比賽始終都有啲運氣,但有實力始終都會留耐啲。(如果你睇啱,會唔會簽對方?)我諗如果好都畀TVB簽咗,幾時輪到我簽。」

 

顏志恒同伍仲衡同一日生日。(《晴報》圖片)

 

  對於顏志恒跟他同日生日,伍仲衡笑說:「我覺得同佢好有緣份,同埋好啱嘴形,我好希望喺音樂上可以同佢合作。」顏志恒透露前晚與家人一起慶祝44歲生日,之後開live與fans聊天,他笑說:「以往43年生日都冇咁充實。(生日願望?)我希望快啲有自己嘅單曲。」

 

  此外,提到李佳芯在無綫台慶當晚,與周吉佩一起行紅地毯時,被內地無綫官方平台打格封殺,周吉佩說:「我都係後知後覺件事,所以我都唔清楚,希望可以盡快全部人都見到就最好啦!」

 

 

 

轉載自: 晴報

全城注視!銀行定存比較神器,助你搵到最佳息率!► 立即了解

我要回應

你可能感興趣

放大顯示
師傅靈靈法

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ