晴報：被爆與蕭正楠纏綿60小時 黃翠如封口護新戀情

　　近年備受無線力捧的黃翠如，去年底與蕭正楠（Edwin）合作拍劇被傳日久生情，惟當時兩人只說感情像兄弟。近日，有周刊拍得翠如BB登堂入「楠」室令戀情曝光，她昨日在活動上對戀聞支吾以對，只懂說：「要了解吓先。」

黃翠如被踢爆與蕭正楠拍拖，昨日表現十分避忌。

　　翠如BB和蕭正楠去年底拍攝無線新劇《師奶Madam》，兩人在劇中有感情線，開拍未夠一個月已傳出緋聞。由於當時Edwin與富家女友何傲芝仍未公開分手，翠如BB被指是「小三」，她當日表示Edwin是「契哥」，只稱雙方是「好兄弟」，Edwin則對緋聞一笑置之。但新劇都未出街，翠如BB已被拍到密會蕭公子，報道更指她踩上男方寓所日對夜對60小時。

　　昨日，翠如BB與洪永城、陳庭欣、高鈞賢及陳智燊等出席《巴西世界杯揭幕儀式》，對於被指踢走何傲芝與蕭正楠拍拖，翠如BB支吾以對說：「要了解咗先，私人事唔想回應。」並坦言未有就最新報道聯絡Edwin。

黃翠如與蕭正楠曾互稱「好兄弟」，將來一齊宣傳新劇又會點講？ 

洪永城好傷心

　　有指Edwin不停send短訊給她，翠如BB堅持的說：「去到咁私人嘢就唔回應啦，希望了解咗先。（報道話你瞓何傲芝舊床？）唔想回應。（唔排除有發展空間？）要了解吓先，畀啲空間大家。」

洪永城、黃翠如推出新節目《走過足球聖地》，傳媒焦點卻在翠如BB的緋聞上。

　　至於前緋聞男友洪永城原本想幫口代答解圍，點知卻愈幫愈忙，他在訪問期間插嘴說：「男同女都單身，郎才女貌，幾襯呀，畀啲空間佢哋啦！（咁你咪好傷心？）我梗係傷心啦。」

（採訪：林常恩　攝影：Lego　編輯：陳禮恒 ）

轉載自晴報