RSS訂閱 《笑傲缸湖》繼幾個月前推出令人人都可以變藝術家嘅ＡｕｔｏＤｒａｗ之後，谷歌
（Ｇｏｏｇｌｅ）大神又有新搞作啦！今次就行實用路線，推出花粉版「天文台」－－花粉預測
（Ｐｏｌｌｅｎ Ｆｏｒｅｃａｓｔ）。相信唔少人同盈盈一樣都有鼻敏感，就算係一粒塵都會
令個鼻好唔舒服，何況係更加微細嘅花粉？谷歌就話，係不久將來，就會喺搜尋引擎入面加入依
項功能，第日大家只要輸入「花粉預測」，就會顯示所在地方嘅花粉水平，認真方便啊。
為咗令預測更加準確，谷歌仲會同有研究開花粉嘅Ｔｈｅ Ｗｅａｔｈｅｒ
Ｃｈａｎｎｅｌ合作，務求令預測偏差減到最低啊。第日大家除咗可以喺谷歌介面主動查詢，仲
可以開啟「自動更新」功能，就唔使每次都㩒入去睇。皆因預測花粉喺指數高嘅時間，會主動去
提醒用戶做好準備，咁就唔怕唔記得ｃｈｅｃｋ啦！
除咗睇到自己所在地區嘅資訊之外，仲可以設定揀自己想查詢嘅地區，咁大家下次喺櫻花季
節去日本前就可以準備定，唔使再驚鼻痕痕啦。
不過，盈盈覺得，如果谷歌可以喺香江加個預測「木棉樹飄棉花指數」嘅功能，就會更加貼
合大家嘅需要啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
