《小傳日記》小米（０１８１０）舊年推出新手機「小米１１」，不過就唔係好多用戶
ｌｉｋｅ呢部手機。淨係線上投訴平台已經收到超過１﹒８萬宗投訴，用戶主要不滿手機過熱燒
壞主板，就算攞番去原廠整，結果都係「一燒再燒」。小米已經就呢個情況，上星期公布新嘅
Ｐｏｌｉｃｙ，支持用戶更換新機處理問題，新機如果喺７日內出現品質問題，用戶可以退貨。
不過，呢個新Ｐｏｌｉｃｙ仲未淋熄用戶嘅怒火。話說有自稱係小米「死忠」嘅用戶接受傳
媒訪問嗰陣，提到自己嘅小米１１手機上星期突然自動熄機，機身仲要熱到辣手，後嚟發現係手
機主板燒壞咗。佢到小米維修部檢修，可惜手機已經過咗保養期，小米員工向佢提出兩個方案：
第一，係用４９９人仔換塊主板；第二，係用１１２５人仔換完屏幕再換新機，她當時揀咗方案
二。
呢位小米「死忠」強調，嗰時知道小米１１燒主板原來係一個經常發生嘅問題，佢就唔會同
意接受方案二，講到明小米產品有問題，唔應該畀消費者埋單。她批評小米無正面回應燒機問題
，並要求公司召回產品統一檢修。
小米嚟緊仲話要打入高端手機市場，未來要超越蘋果咁話。之不過，出咗部新手機一年幾就
已經收到咁多「嬲嬲」，硬件方面再唔做好啲，恐怕未來要拆解好多「關公災難」囉！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無涉。
【你點睇】政府宣布10項短期控煙措施，你是否支持？「火車頭」問題未有規管，你接唔接受？► 立即投票
