新聞

21/06/2017 17:31

《小傳日記》A場入摩夢成真,香江低收太無癮!

  《小傳日記》今日有兩件大事,其一係林鄭率領新班子齊齊整整見記者;而對於一眾缸友嚟
講,A仔入摩就梗係要昅到實喇!
  終於得咗喇!A場第四次闖入摩指,今次終於唔使食檸檬,成功加入MSCI新興市場指數
喇!不過初步被納入嘅重磅A仔只得222隻,佔指數嘅權重比例都唔夠1巴仙,但好多大行都
已經收貨,話象徵意義重大,相信全球缸友將會更關注A仔場云云。
  不過缸友反而趁好消息出貨,加上A場又無太大反應,搞到香江魚缸今朝(21日)跟外圍
碌低90點後,一度急挫267點至25575,跌穿埋廿天線(約25791)。縱使好友出
盡力還擊,可惜恆指只係拗腰倒升咗一陣,轉過頭又碌番落去,收市都要瞓低148點報
25694。
  A場收升0﹒5巴仙收3156點,但國指無奈收挫74點報10393。
  連「入摩」都幫唔到魚缸沖喜,成交依舊唔旺場,只得765億銀左右。最重要係,十天線
開始有向下跌穿廿天線嘅跡象,「死亡交叉」隨時出現,缸友小心呀!
 
*林鄭新班子齊齊見記者,入摩終成功A仔新頁寫*
 
  A股第4次試闖MSCI摩指終於成功,下年6月開始,222隻大隻A仔就會加入新興市
場指數同MSCI ACWI全球指數嘅大家庭。食晒AH兩家茶飯嘅金隅(02009)、中
冶(01618),就跳高逾1同逾2巴仙慶祝,分別報3﹒94同2﹒64銀。中遠海發
(02866)同中集集團(02039)都有份,更加飛起3同6巴仙,收1﹒72同
14﹒06銀。
  A場滬指暢旺行前16點。一眾ETF表現都唔錯,孖寶南方A50(02822)、安碩
A50中國(02823)跑前1巴仙,埋單12﹒62同12﹒08銀。
 
*券商ETF炒上賀入摩,貨櫃皇帝女316高歌*
 
  高盛估計,A股入摩之後,將會有120億美金資金流入A場,會輕輕幫到生發發
(00388)嘅盈利,繼續叫「買入」。生發發曾經衝前逾1巴仙,但最終卻倒跌唔夠半巴仙
,報200﹒2銀。
  憧憬A場成交會增加,會多啲指標基金幫襯,券商佬中信証券(06030)、國泰君安
(01788)率先斬穫約1巴仙,報16﹒22同2﹒54銀。海通國際(00665)都唔
執輸,收穫近1巴仙,報4﹒65銀。西證國際證券(00812)最誇張,飆前近14巴仙,
收報0﹒29銀。
 
*中金來唱好舜宇創新高,麥記畀個讚中興亦風騷*
 
  傳中遠海運打算收購東方海外(00316)旗下貨櫃業務,作價最少40億美金,東方海
外隨即踢高近2巴仙,報53﹒55銀,仲試過高見56﹒15銀創超過5年高位;中遠海控
(01919)都唔執輸,衝前4巴仙,報3﹒57銀。
  中金唱好舜宇光學(02382),將目標價由71蚊升到85蚊,重申「買貨」評級,結
果好開心咁跳起近半成,報69﹒3銀,曾經高見70蚊破頂。
  中興通訊(00763)係噚日港股通(深)成交最活躍嘅魚毛,今日仲畀麥格理升目標價
去到22蚊,重申跑贏大市評級,當然彈起半成,收報18﹒5銀。
 
*麗新系美麗邊個夠我揮,半新丁熱炒ITP好威*
 
  麗新系今日全線水漲船高,當中豐德麗(00571)最叻,大成交抽高近12巴仙,報
0﹒96銀;麗新國際(00191)亦飛起7巴仙,報3﹒38銀;阿仔麗新發展
(00488)就衝前近6巴仙,報0﹒285銀。
  半新丁ITP(08446)繼續坐火箭,連升兩日累漲一成半之後,今日再炒高24巴仙
,報1﹒23銀,高見1﹒33銀創新高。另一半新丁建成(01630)都好生猛,有近一成
進帳,埋單0﹒67銀。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票

槓桿及反向產品是一種採用衍生工具投資產品。衍生工具主要為期貨或掉期合約。

有別於傳統跟蹤指數的交易所買賣基金,槓桿及反向產品通常稱為「單日」產品,因為它的投資目標是提供相等於相關指數表現特定倍數或特定相反倍數的單日回報。

槓桿產品旨在提供相等於相關指數特定倍數的單日回報,例如,投資者買入一隻兩倍槓桿產品,當指數於某日上升10%,有關兩倍槓桿產品就應提供20%的單日回報。

至於反向產品旨在提供相反於相關指數表現特定倍數的單日回報,例如,投資者買入一隻兩倍反向產品,當指數於某日上升10%,有關反向產品就會錄得20%的單日虧損。

當你持有槓桿及反向產品超過一日,有關產品的回報,與相關指數表現的特定倍數,可能會出現偏離。
專業版
HV2
精裝版
SV2
串流版
IQ 登入
強化版
TQ
強化版
MQ

【嚴正聲明】《經濟通》呼籲公眾提高警覺留意偽冒《經濟通》投資群組

如何分辨問米是否真實?通靈問事用什麼工具都可以?靈靈法即場示範通靈!

etnet榮獲HKEX Awards 2023 「最佳證券數據供應商」大獎

貨幣攻略

大國博弈

說說心理話

Watche Trends 2024

北上食買玩

Art Month 2024

理財秘笈

夏天養生食療

消委會報告

山今養生智慧

輕鬆護老