話說今屆議會新丁之中，新民黨嘅Ｅｕｎｉｃｅ容海恩聽聞係「友誼小姐」，同唔同黨派都有偈傾。咁有人緣，唔通靚女真係著數啲？梗係唔止咁簡單啦！事關Ｊｅｎｎｙ呢排就成日見到Ｅｕｎｉｃｅ玩Ｆａｃｅｂｏｏｋ，當中同網民嘅互動令
Ｊｅｎｎｙ嘖嘖稱奇！佢之前接受訪問時都話，而家啲網民仲會叫佢「恩恩豬」添！
噚晚Ｊｅｎｎｙ碌碌吓Ｆａｃｅｂｏｏｋ，有朋友就畀咗幅填色比賽嘅圖小妹睇，原來唔知點解有人將啲青色填咗去Ｅｕｎｉｃｅ塊面上邊喎！搞到Ｊｅｎｎｙ笑到腹肌都出埋，諗住
Ｓｅｎｄ畀「恩恩豬」睇，原來佢已經睇咗，仲上載埋去自己個專頁同大家分享，
ｈａｓｈｔａｇ埋＃ｅｌｆ容，話自己係「容精靈」添！連輔仁媒體嘅「容總」容樂其都有份留言吹水，「恩恩豬」真係好叻叻豬呀！
其實「恩恩豬」玩Ｆａｃｅｂｏｏｋ叻唔係第一日嘅事，佢前晚仲同「網紅」容總約埋一齊食飯添！不過「恩恩豬」嘅然出身新民黨，立場好明顯係建制派啦！點解佢又會同到立場親泛民嘅「容總」同枱食飯呢？
呢樣就要追溯到「恩恩豬」９月嗰陣話想分享同留言容總嘅貼文，所以就邀請「容總」
Ｌｉｋｅ佢喎，點知就引嚟大批網民食花生。「恩恩豬」嚟到非建制陣地，仲被唔少網民暗串添
！點知佢唔單只冇黑面，仲貼埋自拍以證係用「真身」留言。之後雖然被人話佢多雀斑，但係佢唔似得一般港女咁「開佢拖」，仲叫人「介紹啲好嘢嚟搽」；又有人串佢派「蛇齋餅糉」，點解唔派埋畀後生仔，「恩恩豬」都冇嬲嬲豬，幾日之後竟然直播親手整冰皮月餅，仲派埋畀「容總
」食添！「恩恩豬」又識講嘢又親力親為，難怪做到「友誼小姐」啦！唔知佢又可唔可以幫手
「改善行政立法關係，修補撕裂」呢？《Ｊｅｎｎｙ Ｙｉｎ》
《經濟通通訊社２０日專訊》
【你點睇】本港主要銀行跟隨美聯儲減息，你對樓市前景有否信心？► 立即投票
