《財經人語》老恆和釀造（０２２２６）董事長陳衛忠喺傳媒午宴度話，喺２０１４年１月
尾臨上市之前，有一間日本仔公司試過佢哋嘅醬油，覺得好好味，之後就聯絡佢，叫佢唔好上市
，又話即使當時上市，估值亦都唔高，所以提出用５０億人仔買老恆和８０％股權喎！
之但係陳總當時一口拒絕，仲豪言咁話：「俾１００億我都唔賣呀！」。究竟因咩咁決絕呢
，唔通真係同啲錢有仇？唔通真係富貴於我如浮雲？
陳總話，呢盤係家族生意之餘，仲有最重要嘅原因，就係當年喺打日本仔嘅時候，老恆和有
５８名員工俾日軍殺害。佢話，如果今日間公司賣咗俾日資公司，咁就對唔住嗰５８名員工嘞！
陳總又話，喺上市時，亦講明唔好俾日資公司認購佢哋老恆和嘅股票。
佢同小記講，老恆和嘅黃酒有一條秘方，當年日本仔曾經強逼呢５８名員工供出呢條秘方，
好彩最後無流到出去。至於條秘方呢，當時只係以口相傳，而家就只得佢一個人知咋，但當年為
咗上市，已經為秘方拎咗專利權，擁有人亦轉咗去公司名下了！（ｊｎ）
【與拍賣官看藝術】常玉作品屢創天價，背後其實藏著跌宕起伏的人生► 即睇
