即市新聞

18/04/2018 17:17

《小傳日記》阿爺放水沖沖喜,香江止跌回回氣!

  《小傳日記》正當香江魚缸噚日(17日)繼續受淡友轟炸,連跌四日之際,阿爺噚日傍晚
終於出嚟救市喇!人行宣布降準放水4000億人仔,改善孖屐資金流動性。總算為呢排處於捱
打狀態嘅香江魚缸沖一沖喜,再承住花旗市炒季績高收213點嘅好消息,今朝(18日)香江
魚缸成功高開407點報30469,讚!
  可惜,呢個好消息都唔頂得好耐,除咗走資愈嚟愈勁外,中美貿易戰又有新進展,花旗初步
決定向祖國鋁板徵最高113巴仙反補貼稅,同時又要禁止動用聯邦補貼向華為、中興
(00763)等買網絡設備,搞到中港魚缸一度調頭倒跌,香江魚缸仲曾經失守三萬關添。
  好彩,魚缸好快就消化咗呢D聽到厭嘅壞消息,喺QQ(00700)升近1巴仙以400
銀收市,以及AIA(01299)漲逾2巴仙收69﹒05銀支持下,香江魚缸都保住升幅,
大市收升221點報30284;國指亦反擊85點報11986。全日魚缸成交近1176億


*中興累街坊中金籲勿慌,晶片佬得益華虹最招積* 

  中美貿易戰唔單止無緩和跡象,仲愈嚟愈激烈,中興中箭畀美國禁制,繼續牽連埋其他街坊
,手機設備孖寶舜宇(02382)、瑞聲(02018)仲未跌完,前者今日曾經急跌近6巴
仙至138﹒7銀,後者亦一度插逾4巴仙報128﹒3銀,唔少缸友都嚇到跳車保命。好彩,
中金出嚟派定心丸,叫大家唔使太驚,缸友先定過神來掃番平貨,結果舜宇同瑞聲收市只係各跌
逾1巴仙及2巴仙,收145﹒3銀及131﹒5銀。
  中金仲唱好埋晶片佬,話經過今次中興一事後,相信祖國會加快發展半導體行業,中芯
(00981)、華虹(01347)都會係得益者,雙雙開心跳起近10巴仙及近16巴仙,
收10﹒42銀及17﹒4銀。仲有紫光(00365)阿媽喺祖國係晶片大家姐,紫光當然子
憑母貴,順勢抽起近11巴仙收4﹒12銀,勁!

*阿爺一出動股王也感動,人行及時雨錢莊感歡愉*

  股王QQ噚日跌穿400銀關,今朝本來隨魚缸借勢重上400銀水平,不過股王都被壞消
息纏身,最後收窄返升幅。據內地報道,將靠CDR回A嘅股份名單上,無QQ份,加上阿爺又
出手審查手遊,QQ旗下多隻手遊都被查,結果QQ今日一度自高位腳軟3巴仙見今年低
393﹒4銀,尾市硬淨返少少,報400銀有近1巴仙進帳。
  阿爺降準為大地帶來福音,呢場及時雨下得真合時,令錢莊建行(00939)、工行
(01398)分別飛起逾1巴仙,報7﹒98銀及6﹒69銀。至於平保(02318)、太
保(02601)亦靠穩分別報80﹒85銀同33﹒85銀。
  個市立立亂,本地薑又成為缸友焦點,好似超人早前多次增持長實(01113),孖屐又
關注返長和系,長實及超人一號(00001)今日都飛起2巴仙,分別收68﹒05銀及92
銀。

*砵砵車冧檔北汽勁重創,同是淪落人迪仔亦頭暈*

  阿爺宣布5年過渡期後,將會取消汽車行業外資持股限制,消息嚇到一班缸友係咁沽走砵砵
車,要錢唔要貨。瑞信走出嚟出報告唱淡汽車股,更將北汽(01958)「他屐」大劈四成至
8﹒33銀,嚇到北汽插穿250天線(8﹒683銀),唔見逾10巴仙,報8﹒02銀。街
坊廣汽(02238)、華晨(01114)都身受重傷,碌低逾9巴仙至近11巴仙,報
12﹒9銀及12﹒9銀。比亞迪(01211)亦難逃厄運,阿爺直頭話今年就要取消新能源
車、飛機製造業股比限制添,迪仔無奈嘔出4巴仙,報58﹒9銀。
  車股搞到咁,經銷商都無好日子過。中升(00881)、廣匯寶信(01293)分別質
低逾3巴仙,收21﹒2銀及3﹒25銀,保重啦缸友!

*藥佬頭暈暈獲利盤湧現,石四藥跪低石藥見月低*

  之前藥佬升咗好多,最近出現獲利回吐盤。早前話首季純利升逾1倍嘅石四藥
(02005)噚日開始回落,今日再唔見逾4巴仙,報7﹒65銀,大摩早前維持「持平」評
級都無幫助。
  之前肺癌藥物獲臨床研究批件嘅石藥(01093)見約一個月低,今日好彩靠穩報
20﹒3銀,但就見四連陰。復星醫藥(02196)亦見四連陰,今瞓低逾2巴仙,報
43﹒75銀。
  個別細魚毛鑊氣都好勁,瀋陽公用(00747)獲控股股東通知,擬出售近29巴仙股權
畀北京華夏鼎科技,憧憬新主人有新景象,瀋陽公用爆升65巴仙收0﹒495銀。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

人氣文章
財經新聞
評論
專題
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 落單即送保健品!