即市新聞

31/03/2021 11:45

《古臣雙周記-古臣》神州汽車4S股發圍,獲國策加持值得吼!

  《古臣雙周記》汽車股近年受唔少短炒缸友追捧,例如比亞迪(01211)、吉利(00
175)等之前就齊齊炒高哂,依加就進入回調格局,都係唔少短炒投資者嘅愛股,但講到要投
資車股,其實整個板塊都已經累升唔少。阿臣覺得,大家與其吼車股回落部署博反彈,不如轉向
關注4S汽車經銷股,發堀吓佢嘅行業前景!

*4S到底係咩?公司實力原來最睇重﹒﹒﹒*

  簡單睇汽車經銷字面含意啫係賣車中介。但講到行業入面嘅4S到底係咩嚟呢?其實係代表
四大元素,包括銷售(Sale)、零配件(Sparepart)、售後服務(Servic
e)同市場信息調查(Survey)。簡單講即係為買車用戶提供專業嘅一條龍服務。呢啲4
S公司分別會有佢地自己代理嘅汽車品牌.而大眾買車之後,有咩汽車方面需要,例如維修保養
、汽車美容、文件手續都可以一次過喺一間公司搞掂!對客戶嘅優勢在於可以一間公司搞哂所有
嘢,而且作為汽車品牌代理,質素方面較有信心同保證。
  行業入面點樣界別一間4S公司到底有無發展潛力,其實好睇重幾方面要素。首先要留意市
場對汽車品牌嘅需求、主要客戶群、客戶需要咩服務等等?要留意4S公司主要盈利業務其實在
於新車銷售,佔公司整體盈利較好大比重,例如中升集團(00881)來源於新車銷售佔年度
總收入已經達到八成五咁多,所以對行業最重要嘅,就一定係公司所代理嘅汽車品牌類型,一般
分別豪華品牌同中高階品牌。而公司代理品牌可以話係成為行業龍頭嘅關鍵之一,事關每間4S
公司提供嘅服務都差唔多,要突出重圍做到No﹒1,就取決於品牌受唔受市場歡迎,如果品牌
受歡迎,銷量都會相應提升,再加埋有穩定服務質素同口碑嘅話,經營基本上都唔成問題。

*4S公司最搵錢業務係咩?*
  
  睇返行業入面唔同公司嘅業績,雖然大部分公司都代理唔同品牌,不過其實行業主要都係以
賣豪華車搵食!再以行業龍頭之一嘅中升集團為例,代理品牌有齊豪華汽車同中高檔品牌,有豪
華品牌奔馳(Mercedes-Benz)、凌志(Lexus)同奧迪(Audi)等等,
亦有代理豐田(Toyota)、日產(Nissan)、本田(Honda)等較親民嘅品牌
。但睇返最新業績,帶動公司收入最高的品牌就係奔馳,佔集團新車銷售收入總額大約三成,而
其他公司都主要以賣豪華品牌車輛盈利,算係真正搵到錢嘅「金飯碗」!

  部分4S公司主要代理豪華品牌:

  公司            代理部分豪華車輛品牌
  --------------------------------------
  中升(00881)     奔馳
  永達(03669)     寶馬、奧迪、奔馳
  正通(01728)     寶馬、保時捷、奔馳
  和諧(03836)     寶馬、凌志
  --------------------------------------

*4S公司邊間公司最搵得多?*

  既然講開業績,到底全面行業經營環境係點?邊間公司又可以喺疫情期間理想業績表現呢?
首先我哋要參考2019年神州汽車經銷商百強排行榜,其實睇到唔少港股有上市嘅公司都有唔
錯嘅收入。而排名第一嘅係為廣匯汽車(滬:600297),即係廣匯寶信(01293)嘅
主要股東,公司營業收入達1704﹒56億人仔領跑到行業;而排名第二嘅係中升集團,營業
收入達1240﹒43億人仔,以上兩間企業上年成績都可以突破千億銀人仔!而頭5位入面,
永達集團(即永達汽車(03669)及聯繫)都可以排行第四,營業收入達到763﹒87億
人仔,表現都相當唔錯!

   2019年中國汽車經銷商百強排行榜首5位:
 
   排行    公司(股份代號)    營業總收入(元人民幣)
   ------------------------------
    1    廣匯汽車服務        1704﹒56億
    2    中升集團(00881)   1240﹒43億
    3    利星行汽車          856﹒51億
    4    永達集團           763﹒87億
    5    恆信汽車           592﹒74億
   ------------------------------

  不過排行榜都係反映到行業初步排名,業務方面未必可以睇得咁清楚。不過近4S公司都接
連公布2020年業績,或者就可以有多啲啟示啦!或者可以先睇下排行榜第一嘅廣匯汽車服務
附屬廣匯寶信,業績顯示公司全年純利2﹒1億人仔,同期比少賺66﹒4%,成績算係唔理想
,相信都係因為疫情影響到經濟,以致舊年全國乘用車市場零售轉弱有關,唔知會唔會拖累到股
東嘅業績表現啦!不過係行業環境受衝擊之下,仍然有公司業績向好,講緊嘅又係龍頭中升啦,
事關佢地舊年業績顯示,股東溢利達到55﹒4億元人仔增長23﹒1%。更加有末期股息派。
或者有機會坐上排行榜第一嘅寶座!
  其他4S公司業績暫時睇都普遍向好,例如永達汽車去年純利約16﹒25億人仔升逾一成
;而美東汽車(01268)去年純利7﹒5億人仔增長三成六。值得留意嘅係4S股和諧(0
3836)同埋正通(01728)將會喺聽日(31日)公布業績,而潤東汽車(01365
)全年業績就延遲至五月尾前後刊發,大家可以留意一吓!

*神州汽車後市場規模擴大,加上國策加持前景無可限量!*

  睇完以上資訊,相信大家都會知4S行業係咩啦!但除咗行業數據之外,阿臣睇好行業發展
仲有其他原因?主要就係因為大環境對行業有支持。先睇一睇啲數據,早前中國商務部就公布,
舊年神州汽車後市場消費規模超過1萬億人仔!汽車後市場到底係咩呢?其實就係指已售汽車使
用過程入面,所產生嘅交易或者服務活動。規模能夠做到咁大,主要都係受惠神州經濟形勢穩定
向好,令汽車後市場消費有持續復甦嘅趨勢。加上二手車交易量亦有回升,汽車改裝、報廢機動
車回收等等服務需求穩定增長,對於4S行業其實係直接利好。
  同時神州國家統計局發布嘅資料顯示,舊年國內生產總值101﹒6萬億銀人民幣,首次突
破100萬億大關!而按可比價格計更可以比上年增長2﹒3%,而人均國內生產總值仍向好,
反映到國內經濟步入復甦進程。而當大經濟向好,車市往往都係首批獲提振嘅行業。預料高階豪
華車銷售都會向好,直接利好以豪華車作為主要盈利業務嘅4S公司。
  阿臣都想提醒大家神州國策對行業有好大嘅潛在利好影響。相信大家應該都會知道神州依加
大力推動緊「十四五規劃」,為咗推動綠色城市,市場好關注綠色能源電動車嘅發展。阿臣就相
信,神州對電動車板塊有好大期待,甚至可能會用補貼影響推動行業發展,而依加唔同車廠都著
手加快研發新能源汽車。阿臣相信當配套越趨完善,嚟緊好大機會會有換電動車熱潮出現,對於
4S店而言,如果可以代理有電動車嘅品牌,相信可以推動到公司銷售,而換車潮相信都可以利
好公司收服務費用,中長線利好行業營利表現!

*4S股較車股抵玩,可待中升回調部署*

  綜合以上要素,阿臣就覺得4S行業比車股更值得部署!加上行業股份估值仍然偏低,落場
相對抵玩!不過依加相關股份早前突然急升至現時較高股價水平,阿臣決定先觀望一下。面中升
業績理想,又係龍頭,相信後市仍有發力空間!阿臣想吼中升回到大約50天線(約50銀)嘅
時候再作部署。不過依加現金似乎唔多夠,一旦到價會再係倉中選股沽出部署,初步考慮沽京東
(09618)或郵儲行(01658)。
  講完4S股,最後都同咁多位讀者交待下本欄之後更新變動!依加每周一篇嘅《古臣周記》
變成兩星期一篇,欄名會改為《古臣雙周記》,雖然更新頻率少咗,但大家放心,古臣依然會用
心出每一篇文,令大家對魚缸板塊有更多認識!隔星期三再喺《古臣雙周記》同大家分享!

  表列截至3月31日早上11時15分阿臣投資組合表現:
 
  股份        股數  平均買入價(元)    現價(元)  總值(元)  
     
  --------------------------------------
  港股:   
  港交所      100股   264﹒50  467﹒00元  46700
  九龍倉置業   2000股    32﹒00   44﹒25元  88500
  京東集團     100股   335﹒60  323﹒80元  32380
  中金公司    2000股    18﹒22   18﹒88元  37760
  郵儲行     2000股     6﹒10    5﹒83元  11660
  融創中國    1000股    32﹒80   33﹒50元  33500
  -------------------------------------- 
  股票市值    : 250500元 
  剩餘現金    :  17459元 
  組合淨值    : 267959元 
  組合本月收益表現: -3﹒6%(截至上月底止組合淨值:278064元)
  組合累計收益表現:+155﹒2%(本金105000元計)(2016年8月開倉)

  *數據截至3月31日早上11時15分

人氣文章
財經新聞
評論
專題
產品簡介

【得獎名單】【etnet Bonus 賞你】【KAKAO FRIENDS . New Town Plaza藝術館】折疊防水環保袋

《經濟通》獲港交所頒發「2020全市場傑出貢獻資訊供應商」大獎

【得獎名單】【hot talk 1點鐘 睇住賞】賞PAUL LAFAYET金牛迎春禮盒2021