《小傳日記》卡塔爾世界盃今個星期一開波，暫時最估佢唔到嘅賽果，應該係沙特贏阿根廷
２比１喇。見網上ｐｏｓｔ咗有人知道呢個賽果，將成部電視機ｍｏｎ掟爛咗，睇得出嗰位仁兄
真係好嬲！不過所謂「波係圓嘅」，足球世界無贏梗亦無輸硬。心態決定一切，稍為輕敵就會付
出代價。即管睇下「球王」美斯嘅最後一年世界盃，可唔可以有個ｈａｐｐｙ ｅｎｄｉｎｇ喇
！
話時話，今屆世界盃唔知係咪因為冬天舉行，加上球季仲未完，氣氛無之前幾屆咁好，宣傳
亦無以往咁多。即使政府依家稍為放寬防疫措施，但去酒吧睇波嘅人都唔係特別多。季節因素加
埋氣氛一般，本來預期會受惠嘅啤酒股，近期表現都麻麻哋。
當然，主要影響啤酒股股價嘅因素，係內地疫情反彈，多個城市開始收緊防控措施，缸友當
然驚驚喇。潤啤（００２９１）、青啤（００１６８）同百威亞太（０１８７６）股價ｋｅｅｐ
住跌，青啤今日更加試過跌穿２０天線，走勢都幾弱下。
暫時睇疫情未有好轉跡象，封城措施估計會持續到一段時間，加上世界盃狂熱不再，就更加
打擊到啤酒股，等疫情好番啲先再買喇！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
全新節目《說說心理話》青少年不可以戀愛！？真實個案講述驚心動魄經歷► 即睇
