《魚缸博客》噚日（２５日）神州魚缸飆升逾３巴仙，突破４８００關，今日（２６日）暫
時都繼續有好表現，相信突破５０００關指日可待。香江佛誕假期完結後今日就首日開賽，受惠
神州嗰邊咁勇猛嘅表現，黑雨都無阻魚缸輕鬆重上二萬八關。
當然，除咗神州魚缸強勁嘅表現之外，香江仲有受中港基金互認安排正式落實嘅消息推動而
向上。安排初始額度大約３０００億人仔，香江回歸記念日７月１日就正式生效。講起受惠股，
生發發（００３８８）自然走唔甩，多咗成交就多咗收入。加埋憧憬深港通開動，生發發只會長
升長有，有貨缸友唔駛咁快落車，坐耐啲有著數。不過，無貨缸友就唔好咁心急啦，等輕微回調
到３００銀邊先再考慮入貨啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
