《魚缸博客》京東（０９６１８）同京東物流（０２６１８）放完榜之後，就輪到京東健康
（０６６１８）喇。公司第三季經營盈利７７２２﹒５萬元人民幣，同舊年同期蝕５﹒５６億元
人民幣相比，情況改善唔少，而經調整經營盈利按年升８７％，到６﹒５５億元人民幣。另外，
京東健康第三季收入按年升４２﹒１％，到１０５﹒２億元人民幣，整體表現唔錯啵。
大行高盛發表研究報告，指京東健康第三季數據或高過該行對今年下半年嘅預期，認為有關
數據正面，並且留意到投資者關注線上藥品銷售監管全面實施之後，對公司現有商品交易總額
（ＧＭＶ）同增長速度嘅潛在影響，予「買入」評級。
雖然今日京東健康微微低開，但之後可以重拾升勢。睇番日線圖，京東健康上日雖然報跌，
但仲頂得住喺１０天線，走勢幾硬淨。不過，文進覺得依家唔係最佳嘅買入時機，因為股價前幾
日喺７０銀水平有阻力，過去喺呢個位置都有幾大阻力，現價買入值博率唔太高，可以等佢回番
落去５５銀買入。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
