RSS訂閱 上海依家搞緊汽車展，場內當然唔少得行頭大哥長汽（０２３３３）嘅踪影啦。今期佢就威啦，車展上公布佢部哈弗ＳＵＶ嘅銷售喜訊，首季升９２％，仲意氣風發地指將食住個勢，將今年出口「他劇」定於１４萬部、單類目標已佔舊年整體銷量２３％。
長汽創下佳績，其實早係班分析員意料中事。因喺無耐前，摩通指因祖國ＳＵＶ滲透率遠較鄰近地區低，大讚有發展空間；而麥格理亦指佢嘅賣車增長有驚喜，有望喺２０１５年增七成、突破百萬部銷量，可見今日股價一度抽高近兩成，絕唔係乾炒咁簡單。
長汽今日借勢爆發，已突破年頭雙頂高位３２蚊，並以大陽燭破頂。現時佢前路滿布金光，就算唔計短線嘅爆炸力，喺銷情大增嘅憧憬下，中、長線揸兩手絕對穩陣，若股價略為回調，就趁機逢低吸納。總之長揸短炒都係「啡璃骨」（ｖｅｒｙ ｇｏｏｄ）。
《編者按》本欄搜羅即市傳聞，惟消息未經証實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
