RSS訂閱 歐舒丹（００９７３）剛放榜，但成績認真麻麻，首季同店銷售增長唔夠１％，搞到即時被洗白白，股價急瀉近一成，仲創埋一年新低。
巴克萊出嚟踩多腳，話睇死佢下半點年點跑數，都未必可填唔番上半年個氹，並預期佢唔會恢復銷售增長動力。留意歐舒丹今日盤路，就可見錄到一單銀碼高達７８球嘅大刁，情況可謂相當罕見，唔通真係有大戶心淡，從速走鬼？雖然巴克萊話歐舒丹「與大隻佬同步」，但補飛話若下半年銷售增長未見起色，油水將有下行風險，邊句係重點，缸友心中有數啦。
歐舒丹股價自１月尾，由２７﹒５銀水平倒頭插地，至今從未突破下降通道，妄想喺今日低位１８蚊獲支持？未免太早啦！若呢個跌浪攻破１７﹒５銀嘅，就或需下試股價底位１５蚊嘅水平啦。
《編者按》本欄搜羅即市傳聞，惟消息未經証實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
