RSS訂閱 神州幅員遼闊，地產商買地，量唔係重點，睇發展潛力有幾大，地段先係至關重要，碧桂園（０２００７）管理層呢方面就有一手，傾緊前海同橫琴兩個嚟緊國家重點建設區域嘅地，前景靚靚股價又點會唔省鏡！
發改委啱啱就公布「讓一部分人先富起來」嘅區域版，先加快建設幾個重點區域，睇一睇張名單，橫琴同前海都榜上有名，正正就係集團傾緊買地嘅目標，今年仲預期會大手放百二億人仔買地大展拳腳，前海概念股分分鐘要加多個名。
睇返公仔圖，股價６月底一路升上嚟，日前公布業績之後，連續兩日上到超過五年高位，集團如果公布成功買前海橫琴地，股價有望被炒起。仲記得四叔李兆基喺碧桂園上市之前大讚佢老友呢間公司前景有幾好，點知股價喺上市初段炒上過１０蚊之後就一路潛水，依家都未「修成正果」，不過前景轉好四叔呢筆投資都可望重見天日。先上望返招股價５﹒３８銀，不過要留意
ＲＳＩ已經上到近７０，如果跌穿條十天線就要走人啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
