RSS訂閱 魚缸連升四日後靠穩，今早（１４日）跌唔算多又想試高，似乎好友仍有力推高魚缸上２４０００關。資金輪流炒作，繼內險、內房板塊之後，今日賭股見異動，金沙
（０１９２８）同銀娛（０００２７）買盤積極，升緊３至４個巴仙，仍然有力再上，當中金沙最為落後，短期上返３４銀亦不意外。
濠賭股炒埋起，下一個板塊會係咩股呢？博客估係內銀股！
呢幾日只見個別內地錢莊股見炒起，基本上整個板塊未見大動。中行（０３９８８）創近年半新高，呢幾日累升近一成。
內地錢莊股之中，博客最睇好建行（００９３９）嘅後市爆發力。「建農工中」四大國有商業銀行中，今年以來建行幾乎無升過，但「工農中」分別亦有７至１１個巴仙升幅，而同期大隻佬指數亦漲近８巴仙，故建行可以係追落後之選。
建行今日升至６銀，創逾四個月高位，冀在穩企後再上試去年９月初高位６﹒１４銀，繼而回補２０１５年中下跌裂口位而重上６﹒４銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
