RSS訂閱 蘋果公司連續兩日破頂，股價最高升至１３５﹒０９美金，市值約７１００億美金，香江一眾蘋果概念股跟隨而上。大隻佬股瑞聲科技（０２０１８）今年以來累升兩成有多，大大跑贏大市，今早（１５日）最高見８９﹒３５銀，踏一轉蘋果概念順風車，要破頂
（９０﹒６５銀）遊刃有餘，若果市勢相就，稍為整固後，變身「紅底股」亦非難事。
蘋果連日炒高，主要係孖屐憧憬蘋果１０周年版新唉瘋推出，會加入增擴實景等革新科技。高佬睇蘋果值１５０美金，即起碼仲有一成升幅，破頂之旅有排發展。蘋果上升，瑞聲自然持續受惠，走勢圖看，瑞聲５０天線（７４﹒４９６銀）快將升破１００天線（７４﹒８０７銀），黃金交叉即將出現，暫先博上破頂；而於１４天ＲＳＩ近８０已屆嚴重超買水平，故此料破頂後先行整固，唞一唞再上１００銀大關。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
