RSS訂閱 北水南下，資金輪流炒唔同板塊，數數手指，中資股都炒得七七八八，近日香江重磅藍戰都開始落鑊，ＱＱ（００７００）、ＡＩＡ（０１２９９）、大象（００００５）都接力炒高，但如心水清嘅缸友，有無發現長和系表現卻明顯失色呢？
誠哥咁多位手下入面，博客就比較鍾情長建（０１０３８），除咗睇好公司積極發展米字國公用事業外，仲欣賞公司擴大版圖，最近就聯同兄弟長實（０１１１３）、電能（００００６）組成財團，共斥逾４２０億銀買澳洲能源資產公司ＤＵＥＴ，預計５月份完成。雖然仲等緊當地部門批准，但前排已傳出長建傾緊過橋貸款買ＤＵＥＴ，大行亦睇好單「刁」，大和上個月已升目標去到７０﹒５銀；而較近期嘅大行中，瑞銀就升目標價逾１８巴仙至７８銀，評級由「中性」調高至「買入」。
睇番公仔圖，由１月至今，長建只係累升近３巴仙，而港股就已經抽高９巴仙，長建明顯跑輸大市。加上長建近日沿著十天線（約６３﹒５銀）向上行，多條移動平均線已開始聚埋一齊，現價支持力亦頗強。如果稍有好消息刺激，長建就好大機會接捧落鑊喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
