魚缸今朝(23日)喺平保(02318)業績造好之下高開,走上60點報24381點,之後升幅輕微擴大,而11點左右期指飛起過百點,亦都算係一個良好勢頭。不過剛放榜嘅QQ(00700),由於業績一般,未能夠為孖屐帶來太大驚喜,今日就要捱沽一下。
噚日放榜嘅超人一號(00001),純利增長6巴仙比預期好,年賺330億銀,每股經常性盈利亦增長4巴仙,反映集團業務極強,能夠為公司產生持續性現金流。公司不停物色海外項目收購,年度期間港口服務收益、零售業務貢獻弱咗,但赫斯基能源轉虧為盈,可見今年環球資源業境況好轉,超人一號應該可以繼續受惠。
超人感慨香江GDP得2巴仙,聰明嘅超人係唔會比少少2巴仙嘅GDP局限住嘅,公司旗下歐洲電訊業務,連超人都話「做得不錯」,3意大利同Wind嘅合併,令公司EBITDA增長9巴仙。
環球孖屐風高浪急,要買穩陣股的話,超人一號亦係唔錯嘅選擇,預期快將變身紅底股!
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情