噚晚(20日)道指彈番起174點,香江魚缸今朝延續升勢高開86點,股王QQ(00700)再度破頂下,魚缸升幅曾擴大到133點,但之後升幅又回順番D。
嘉里建設(00683)今朝逆風跣一跣腳,事關美銀美林將評級降到跑輸大市,目標價就維持28蚊。該行解釋,之前股價升咁勁,係因為神州奢侈品市場復甦同埋低端城市土地儲備升值,但憧憬已經反映晒喺股價度,如果唔可以將憧憬變做盈利會令缸友失望,仲預期佢會繼續投資三四線城市,新嘅高價土儲所帶來嘅風險唔可以忽視咁話。
睇番公司圖,年初至4月13日高位30﹒2銀累積升幅超過43巴仙,今日急跌已經跌穿咗條上升軌,有貨同埋仲有得賺應該趁早減持。
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票