RSS訂閱 花旗國侵侵同北韓肥仔恩嘅緊張局勢終於略有緩和，花旗國三大股指造好，道指有望升破兩萬二嘅心理關口。
香江呢邊承接外圍走勢而造好，今早（１５日）先高開１２１點報２７３７１，正邁向十天線及２７５００，加上滬港通南向依家見淨流入，香江個孖屐總算止咗血確認回升喇。
缸友想炒短期波幅，博客提議起農產品行業搵食，特別係呢隻萬洲國際（００２８８）。呢隻股啱啱放完榜業續幾省鏡，生物公允價值調整後純利有５﹒５７億美金，按年升１個巴仙，而生鮮豬肉業務嘅經利潤較上年同期大幅增長２８個巴仙至２﹒４５億美金。
瑞信同埋麥格理都睇好呢隻股，同樣維持「跑贏大市」評級，目標價都係９﹒３銀。缸友可以跟跟大行嘅風，借機炒炒呢隻豬肉股。
萬洲國際預測市盈率都係１２﹒５倍，估值都尚算吸引、幾扺買。睇番公仔圖，呢隻豬肉股近呢幾日都徘徊起廿天線７﹒５銀呢Ｄ水平，今日開市終有突破，同時，１４日ＲＳＩ同維持起５９﹒６附近，未算超買。博呢一兩日再度抽高嘅缸友就現水平買入，上望８銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
