RSS訂閱 北水已經從祖國錢莊板塊撒離。根據港股通十大成交活躍股入邊，祖國錢莊工行（０１３９８）嘅沽出額係買入嘅兩倍，估計噚日（１６日）炒賣「人行降準憧憬」嘅消息己經完結，股價好大機會起未來幾日將有回吐，缸友要小心至上丫。
咁嘅形勢下，博客就認為飛機股值得一搏，「劇飛」（００２９３）噚日收市後放榜，雖然中期業績轉盈為虧蝕２０﹒５１億銀，去年同期就錄得純利３﹒５３億銀，但係博客認為唔可以一概而論嘅。
計博客話，睇飛機佬最重要梗係睇燃油對沖合同盤數。「屐飛」中期業績入邊，有一項係講燃油對沖嘅，其虧損按年收窄到去約３２﹒３７億銀，去年同期就錄得虧損４４﹒９億銀。
睇番公仔圖，「劇飛」跌咗六日，噚日開始有ＤＤ反彈。今日表現好醒神，股價仲曾經高見
１２﹒４２銀升逾６巴仙添丫。１４日ＲＳＩ方面就去到４５﹒６５４附近水平，未算超買。博客建議百天線（約１１﹒７５３銀）附近，約１１﹒７呢ｄ水位買入，不妨小注博反彈呀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
