RSS訂閱 魚缸今朝（８日）高開８０點報３０８９５點，藍戰士入面，ＱＱ
（００７００）差幾亳子就可以破頂，不過佢高見４３９﹒２銀之後就帶住魚缸碌返落嚟，令魚缸半日都係變返窄幅上落。孖屐焦點暫時繼續放喺神州磚頭，「五星級的家」（０２００７）、融創（０１９１８）、雅居樂（０３３８３）紛紛爆起咗，真係熱鬧。
提到磚頭，當然令人聯想起建材業。早前神州炒起雄安區概念，令Ａ場水泥股載歌載舞，香江呢邊，大哥海螺水泥（００９１４）當然有睇頭啦！公司最近仲為大家帶來好消息，海螺水泥發出盈喜，話預料計截至２０１７年１２月底年度業績將大幅增長，淨利潤按年增幅介乎７０至９０％，主要受益於水泥行業供給側結構性改革積極影響，令產品銷售價格上升同營業收入大幅增長所致。
德銀研究報告指出，公司表現勝預期，而由於庫存嚴重偏低，預料水泥定價亦可維持於高水平。神州經濟似乎迎來通脹期，紙價、酒價都升咗，原材料價格提升相信亦無難度。所以海螺水泥現價唔怕追入第一注，然後再慢慢加第二注，揸到公司業績放榜啦，相信股價再破頂無難度！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》講述被情緒困擾真實個案，情緒病最終如何走出低谷？► 即睇
