RSS訂閱 統一（００２２０）上周五（２２日）收市之後，就向缸友派發成績表，截至上年１２月底止，年度純利１０﹒３億銀人仔，按年走高１７巴仙；每股盈利２３﹒８４分人仔，末期息２３﹒８４分人仔，大升６７﹒５巴仙咁多。博客認為，統一上年Ｇｒｏｗｔｈ步伐唔錯，加上仲向缸友增加派息，博客覺得值得留意一下！
統一早排仲公布咗採納股息政策。有關政策提到，除咗末期息之外，該公司仲可以不時向支持持股嘅缸友派發中期息，又或者喺特別息。該公司仲表示，末期息唔會少過綜合溢利嘅兩成。一間公司賺到錢之餘，仲可以做到「與民同樂」，都唔好話唔心動！
雖然神州即食麵「孖屐」有萎縮跡象，但統一旗下中高檔即食麵「湯達人」銷售唔錯，帶動舊年即食麵收入增長近６巴仙。加上「孖屐」對中高檔即食麵有一定需求，預期可以繼續成為即食麵業務嘅增長引擎。
大行麥格理都睇好佢，將佢嘅「他屐」調高逾１４巴仙，由８﹒５銀升至９﹒７銀，評級則由「中性」升至「跑贏孖屐」，勁！
該股上周五（２２日）以全日最高位收市，仲突破埋近期橫行區嘅頂部，喺今日魚缸大插水嘅負面氛圍下，該股都仲可以逆市向上游，兼創７﹒７銀新高，差啲上埋條２５０天線（約７﹒７１４銀）。喺平穩增長嘅趨勢下，加上股息穩定，啱哂穩健型嘅缸友，不妨待股價回調至７﹒４銀附近買貨，「他屐」博客上望８蚊啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
