RSS訂閱 呢排炒股唔炒市，重倉指數成分股（ＱＱ除外）真係暈得一陣陣，要博短炒的話，搵細價股機會大得多。
有缸友報料就話要睇返隻力寶（００２２６），事關公司轉型絕對唔講得笑。力寶日前復賽，公布佢地同拉斯維加斯凱撤集團合作喺南韓仁川興建綜合渡假村同賭場項目。仁川即係國際機場所在區域，係旅客必定會經過嘅地方，開賭對於區內賭客，甚至係中國東北三省嘅富豪都有一定嘅吸引力。
搞賭唔係啲咩吸引力，不過以力寶現時區區唔夠２６億嘅市值去搞賭，呢個就真係非常吸引。望返最相似嘅股份就係凱升（００１０２），佢地宣布話喺俄羅斯邊境開賭之後，市值就由２３﹒５億抽高至依家嘅８１﹒３億銀。市值唔夠多都好難搞賭，力寶跟到凱升一半，都應該仲有一倍上升空間。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
