RSS訂閱 「你好，我地係順豐快遞，你有一份快件要收取，查詢請按１字」。呢一則呃錢電話，一度成為順豐喺大家腦入面嘅印象。自從盈盈同大家一樣畀淘寶「荼毒」之後，順豐亦成為缸友熟悉嘅公司，依家呢間公司喺深交所借殼上市啦！
冒牌嘅順豐就專呃人錢，真正嘅順豐（深：００２３５２）卻係派錢畀人！探子回報，順豐今天（２４日）上市嘅同時，主席王衛亦順道向員工派錢，以答謝員工辛勤付出，喺紅包上面寫「順豐今天上市了，感恩你為這一切所做的所有努力。未來，順豐和你一起創造更好的生活。」
探子仲發現，紅包最低額為１８８８銀（人仔．下同），最高超過１萬銀！公司果然無食言，派錢等員工創造更好嘅生活！
而主席王衛身家水漲船高，當然唔會在乎同員工分甘同味派下錢，據探子所得，佢身家已超過１４００億銀！順豐股價漲停板，市值逾２３００億人仔，超過萬科（深：０００００２）問鼎深市第一大市值股。
唔知順豐又會唔會考慮吓香江，選擇再喺香江上市呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
