RSS訂閱 「血汗工廠」呢個名詞已經唔係第一日聽，查實除咗整唉瘋（ｉＰｈｏｎｅ）嘅工人辛苦之外，整電動車嘅Ｔｅｓｌａ，集團嘅工人都一樣係搵緊辛苦錢。
據探子回報，有關注工人嘅組織Ｗｏｒｋｓａｆｅ發表報告話，Ｔｅｓｌａ喺花旗國費利蒙嘅製造工場，２０１４同２０１５年嘅意外傷害率都比業界平均嘅數值高，但Ｔｅｓｌａ發言人就仲係堅持話公司意外率係同業之中最低嘅！
Ｗｏｒｋｓａｆｅ搵嚟咗Ｔｅｓｌａ交畀政府嘅記錄，發現２０１４年，公司嘅總記錄事故率（ＴＲＩＲ）係每１００人就有８﹒４宗意外，而２０１５年時個數字上升到８﹒８宗，連績兩年高過業界平均值，睇嚟Ｔｅｓｌａ唔及其他公司咁關注工人嘅職業安全啦！
Ｔｅｓｌａ就死口唔認，話公司持續改善緊公司嘅工作環境，又減少咗員工嘅工作時間，仲降低咗２０１６年至２０１７年嘅事故率，反而話返個報告並無足夠嘅數據喎。
Ｔｅｓｌａ喺２０１８年希望增加產量到５０萬部車一年，公司定下一個難度高咗好多倍嘅生產目標，唔知有咩方法同時增加對員工嘅安全保障呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
