RSS訂閱 以前臉書（Ｆａｃｅｂｏｏｋ）推出嘅時候，好多人都只喺用來擺相同大家分享。依家分享相片嘅人少咗，分享資訊同新聞嘅人卻更加多，臉書有見及此，似乎想正式插手傳媒業！
據探子回報，臉書將會推出一項新聞產品，初時只會畀用戶睇十篇免費報道，之後就要收費。據聞臉書正同新聞出版社討論緊，睇下點樣更好咁支持付費業務模式嘅發展。
臉書似乎喺今年１０月就會開始初步測試。據報，呢項產品係建立喺臉書嘅
Ｉｎｓｔａｎｔ Ａｒｔｉｃｌｅｓ之上，可以根據讀者嘅興趣同喜好，匯集唔同新聞出版商嘅報道，臉書會允許各媒體設置一個付費牆，引導讀者去到出版商主頁選擇想購買嘅訂閱服務。
今次臉書推出呢項服務，似乎係想同各新聞出版商建立合作關係，等佢哋覺得可以喺資訊界呢個餅上分一杯羹。
臉書加入做傳媒，成個傳媒生態可能又會有好大改變啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
